كتبت: نجلاء علاء الدين
كشف الفنان شريف إدريس، سبب وفاة الفنان تامر ضيائي، وأكد علي أن حدثت مشاجرة بينه وبين إحد أفراد الأمن، وذلك أثناء ذهابه مع زوجته من أجل أن تأخذ جرعة علاج الكيماوي.
وكتب شريف إدريس عبر صفحته الرسمية على موقع “فيسبوك”: “تامر كان لسه خارج من أزمة صحية وجلطة..تامر كان رايح مع زوجته تاخد جسلة علاج كيماوي..حصل مشادة بينه وبين فرد أمن..فرد الأمن اعتدي عليه طب ساكت مات..فررد الأمن مقبوض عليه وفي النيابة”.
وفاة الفنان تامر ضيائي
أعلن الفنان عمرو عبد العزيز، نبأ وفاة الفنان تامر ضيائي عبر حسابه الرسمي بموقع تبادل الصور والفيديوهات “إنستجرام”، وكتب: “إنا لله وانا اليه راجعون كده يا تامر تمشى فجاءه كده و تخضنا كلنا، لا إله إلا الله.. الله يرحمك يا حبيبى ويجعل مثواك الجنه يارب العالمين”.
وصية الفنان تامر ضيائي قبل رحيله
وكان قد كشف الفنان تامر ضيائي في وقت سابق عن وصيته من خلال منشور له عبر حسابه الرسمي علي موقع “فيسبوك” وكنب: “بوست الوصية ده هيفضل باين على صفحتي لحد ما أموت.. الحقيقة إللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه، ووقتها طبعًا مش هعرف أقولها لحد”.
وتابع تامر ضيائي: “دي وصيتي صلاة الجنازة أهم من العزا، وهى اللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل، من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه”.
