كتبت: سلوى أبو زيد
كشف الدكتور جمال فرويز أستاذ الطب النفسي، تفاصيل الحالة الصحية للفنانة حورية فرغلي، بعد رؤيتها العفاريت والجن في منزلها، وأشار إلى أن السبب تعاطي المخدرات.
وقال جمال فرويز خلال ضيافه في برنامج العرافة للإعلامية بسمة وهبة: “في عندنا اضطراب في المخ بيظهر الاضطراب النفسي، وفي بعض الناس لما بيعلى عندهم، بيسمع صوت محدش بيسمعه غيره وبيحس بحاجات بتلمس جسمه”.
وأضاف جمال فرويز: “دايما اللي بيشوف الحاجات دي مش بيكون عنده انفصام في الشخصية أو اضطراب ممكن ده نتيجة تعاطي المخدرات”.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
تصريحات حورية فرغلي
تحدثت الفنانة حورية فرغلي عن معاناتها مع الجن، خلال تواجدها في برنامج العرافة مع الإعلامية بسمة وهبة.
ووجهت بسمة وهبة سؤال للفنانة حورية فرغلي، قائلة: “الناس قالوا إنك بتشوفي الجن عشان عندك اضطرابات نفسية، أو بسبب إنك بتاخدي مهدئ، فهمينا إيه اللي بيحصل في البيت عندك”.
ردت حورية فرغلي قائلة: “أولا اللي في البيت عندي ده ملوش علاقة بالجن ولا السحر، أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب، واشتريت الشقة في 2013”.
وأضافت حورية: “في مرة كنت قاعدة في الشقة لقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة بس محدش يقدر يلمسها أو يمسكها وكان الموضوع غريب جدا”.
تابعت حورية فرغلي: “زمرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي بسبب اللي كانو بيشوفه”.
لترد عليها بسمة وهبة قائلة: “مشيوا بسبب تصرفاتك إنتي جننتيهم يعني تطلبي أكل وتقولي إنك مطلبتيش، ممكن يكونوا شافوا أنك ملبوسة”.
