كتبت: سلوى أبو زيد
استضافت الإعلامية بسمة وهبه المطرب الشعبي سعد الصغير في برنامج العرافة، وتحدث عن الفنان محمود الليثي ورضا البحراوي.
وجه شيخ العارفين سؤالا لسعد الصغير عن عدم استضافته للفنان محمود الليثي و الفنان رضا البحراوي، وسأل أيضا عن سبب استبعاده من فيلم مع الليثي، وقال سعد الصغير: ” الليثي ورضا البحراوي نجوم، أنا باستضيف الأصوات الجديدة فقط، محدش مشاني من فيلم هيمشيني ازاي يعني”.
وأضاف سعد: ” الليثي ده أطيب قلب في الدنيا، انا ممكن اخد التريند وأقولك اه مشاني من الفيلم بس ده محصلش، انا لو كلمت الليثي وقولتله انا في السلوم هيجيلي علي طول”.
وتابع سعد الصغير: ” احنا صورنا لمده أسبوع الفيلم، وبعد كده الكاميرات كلها باظت وانا كنت مسافر أمريكا هقعد شهرين وقولت الليثي مش هعرف اكمل معاك الفيلم، حتي شيبه كان معايا مسافر برضو، مشينا احنا الاتنين من الفيلم ورجعو صوره من أول وجديد”.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
تحدث سعد الصغير مساء الأحد عن الفنانة بوسي وقال: ” خلافي مع بوسي بسبب ان ذعت حلقة أبوها، هو اللي كلمني وطلب مني أقف معاه لان يعتبر انا من العيلة، وبعدين انا لو ضدد بوسي كنت هبقي كده من زمان لكن انا وقفت جنبها كتير جدا”.
تابع الصغير: ” كل اللي طلبته من بوسي انها تسامح أبوها وتعمله عملية بـ 4000 جنيه وهي رفضت، واللي دفع فلوس العميلة الإعلامي عمرو الليثي، وبوسي ماكنتش بتصرف علي أبوها ولا بتدي لأخواتها فلوس”.
هاجم سعد الصغير الفنانة بوسي وتحدث عن علاقتها بأهلها، وأنها لم تقدم المساعدة لهم.
وتحدث عن طليقها وليد فطين وعن الظلم التي تعرض له علي يد الفنانة بوسي.
وجاءت تصريحات بوسي خلال الإيام الماضية في برنامج العرافة مع الإعلامية بسمة وهبه وقالت عن سعد الصغير: ” أول مرة أشوف راجل كده، وأنا متقارنش بيه ومعرفش اللي بيعمله ده غيرة ولا إيه، وهو عايز مني إيه ولا ده لمصلحة مين ولا بتعمل أي بروباجاندا علشان الناس تاخد بالها منك، ليه ما بتصدق أي حد يقول حاجة تقوم فارش الملاية”.
وتابعت بوسي: ” هو أنا مستنية حد يعمل اللي قال عليه ده لأبويا؟ هو لما حد يجيبلي انتريه ولا ثلاجة ولا بوتاجاز بـ 50 ولا 60 ألف جنيه مش هعرف أعمل ده، أنا ياما عملت كتير وإخواتي عارفين، وأخويا اللي جاب أبويا يقعده في شقة أمي لأنه مبيدفعش الإيجار، وأنا عمري ما قصرت مع أبويا”.
