كتبت: سلوى أبو زيد
قرر المطرب الشعبي سعد الصغير مساعدة الأيتام في محافظة الإسكندرية، وأعلن من خلال البث المباشر عبر حسابه الشخصي بموقع فيسبوك بمساعدته الأيتام أيضا في باقي المحافظات.
وقال سعد الصغير في البث المباشر: ” أي مطرب الناس ليها فضل عليه وإحنا من غير الجمهور ولا حاجة، واحد صاحبي مديني فلوس أوزعهم على أي حد من الأيتام، يكون عليه إيجار متأخر، إحنا تحت أمركم ودي فلوس حد مديهوملي أوزعهم لله.. ورسالة للأمهات اللي بيربوا أيتام كلموني إحنا موجودين في إسكندرية لـ 8 بالليل، أي حد عليه إيجار متأخر يكلمني”.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
سعد الصغير في العرافة
سبق وظهر سعد الصغير في برنامج العرافة مع بسمة وهبه خلال الماراثون الرمضاني 2024، وتحدث عن العديد من المواقف الشخصية والعملية.
هاجم سعد الصغير المطربة الشعبية بوسي من خلال البرنامج، بعد وفاة والداها وعدم مساعدتها له.
وقال سعد الصغير: ” انا جبت بـ 250 ألف جنية تكيف وانترية وشاشات، انا اسف في لفظ ابوها كان عايش في خرابه، في حد قالي لله عايز أعمل خير، قولتله في واحد محتاج عفش وحاجات يعني مش انا اللي جبت”.
تابع سعد: “انتي يا بوسي خدتي الشقة دلوقتي وعندك دم، ادي الشقة لأخواتك، او كلمي بسمة وهبه دلوقتي وقوليلها الـ 250 ألف اهم، مش انتي حلوة وتمام التمام انا بقي عايز الـ 250 ألف وتطلعهم لله”.
وأضاف: “دي خدت الشقة بالعفش اللي احنا جبناه، ايه الجبروت ده، المفروض تدينا الحاجة اللي في الشقة، مش هي بتقول لأختها انها ادتني 250 ألف حق العفش انا بقي عايزهم”.
وطلب سعد الصغير من الإعلامية بسمة وهبة تسجيل حلقة معه للرد على الكثير من التصريحات من قبل الفنانة بوسي، وقال: ” أنا طلبت أجي علشان حاسس إن في ظلم واقع عليا”.
ووافقت الإعلامية بسمة وهبة على استضافته، وأعطته حق الرد وقبل أن تبدأ الحلقة، أخرج سعد الصغير، مصحف القرآن الكريم، وقال: “أنا جيت النهاردة بمصحف علشان لو قلت كلمة غلطت تتقلب عليا وعلى ولادي، ومشوفش خير في حياتي”.
