كتبت: نجلاء علاء الدين

خرجت جهاد أحمد زوجة عصام صاصا، عن صمتها وردت علي تعليقات بعض الأشخاص علي حياتها، خاصة من يهاجمونها بسبب عملها بعد حبس زوجها في قضية القتل الخاطئ وتعاطي المخدرات وتزوير الأوراق الرسمية.

وقالت جهاد أحمد في مقطع فيديو: “أول حاجة لما بيحصل ظرف عند حد محدش بيعرف هو حاسس بإيه غير صاحب المشكلة.. أنا رحت العزاء إمبارح لواحدة صاحبتي ولو جوزي موجود كان هيبقى من أول الناس اللي هتروح.. اللي أنا شفته امبارح حاجة مرعبة أوي أول حاجة ربنا يصبرهم وأنا شايفه الحادثة دي قضاء وقدر.. الناس دي كان عندهم فرح وبيجهزو ليه ومرة واحدة تحصل حالة وفاة فـالموضوع صعب”.

وتابعت: “أنا امبارح كنت قاعدة في حالة ذهول متخيلة الموقف بيتعاد معايا.. الموقف قريب من موقف عصام كنا بردو رايحين ندبح ولما روح من الشغل حصلت الحادثة دي وطبعا كانت قضاء وقدر والواحد مش عارف دي بتبقى اختبارات من ربنا او ابتلاء يشوف احنا هنصبر قد ايه.. كل دي دروس بنتعلمها في الدنيا”.

زوجة عصام صاصا تهاجم الصحفيين: بيتاجروا بحزن الناس

وأوضحت: “الكلام بيفرق في النفسية سواء حلو أو وحش فبلاش كلامكم السخيف أنا عندي أهل وعندي ابن.. وجوزي الله يباركله اللي كان بيخليني مش محتاجه أي حاجة في الدنيا أنا بردو هخليه مش محتاج أي حاجة.. وهموت نفسي شغل ليل نهار علشان أي حاجة جوزي يطلبها تبقى موجودة”.

وتابعت: “بلاش ندخل في قصص هي الفلوس اللي معاكم راحت فينظ.. في فلوس محامي في دية اتدفعت في 4 شهور كان حالنا واقف فيهم.. وعندنا 3 بيوت مفتوحين.. والراجلين اللي في البيت مش موجودين قدرو كل ده انا مبطلعش أشحت أو أقول لحد هات جنيه أنا بطلع اشتغل وكل يوم بتلقوني بنزل شغل وفي أغاني على التيك توك بتنزل وده شغل وبتفضلوا تقولوا هو انتي بجد بالك رايق تعملي تيك توك ولو انتي شايفه أن بالي رايق ادعي ربنا يخلي عندك نفس روقة البال”.

زوجة عصام صاصا: الفلوس اللي معانا خلصت بعد دفع الدية.. ومش هخلي جوزي يحتاج لحد

وأتمت حديثها قائلة: “تاني حاجة الكومنتات السخيفة اللي بتتكتب ممكن تعمل مشكلة بين حد وتزعل ناس من ناس.. أنا امبارح رحت عزاء عملت الواجب بعد كده روحت اتغديت ونزلت شغل وطلعت لايف مع صحابي.. ده مش معناه إن أنا مش زعلانة.. بعيد عن إنها صاحبتي أي حد هيشوف حادثة زي دي هيتأثر وهيزعل.. وأنا براعي حرمة الميت وظروف صاحبتي بس أنا بردو ظروفي بتخليني ملزمة أنزل الشغل ووقت محصل موضوع عصام أنا وهو مزعلناش من أي حد رجع شغله وأشتغل لأن كل الناس هتكمل حياتها عادي إحنا بس اللي حياتنا كانت واقفه فبجد يا جماعة كفاية بجد”.