كتبت: مريم محمد
يستعد الفنان محمد الشرنوبي لإطلاق أغنية جديدة هذا الأسبوع، على الرغم من التحديات التي يواجهها بسبب حذف بعض أغانيه من منصة يوتيوب بسبب أزمته مع الشركة التي تعاقد معها.
شارك الفنان محمد الشرنوبي، مقطع فيديو عبر حسابه “إنستجرام”، يكشف من خلاله تفاصيل أزمته مع المنتجة سارة الطباخ.
وقال الفنان محمد الشرنوبي: “أولًا بخصوص موضوع شيرين أنا مش فارق لي أي حاجة غير إني أسمع صوتك.. وإن إحنا كجمهورك مستمتعين بصوتك ويارب المشكلة اللي بينك وبين روتانا تخلص في أسرع وقت عشان نعرف نسمع صوتك بشكل طبيعي وتاخدي حقك.. أكتر حد في الفترة دي حاسس بـ شيرين هو أنا.. لأني بقالي 5 سنين في قضايا ومشاكل مع سارة الطباخ في الشركة اللي كنت ماضي معاها”.
وتابع: “ومن سنتين وكام شهر بالظبط طلع حكم قضائي بانتهاء عقدي وطلعت الشركة تقول لأ وأنا طلعت أقول آه.. لحد ما طلع 3 أحكام تأكدت إن العقد انتهى خلاص ومعنديش أي التزامات بأي شكل.. وأكتر حاجة بتثبت إني بشتغل في التمثيل وماضي مع شركة من أهم شركات الوطن العربي.. ودي شركة كبيرة وعندها شؤون قانونية وبتراجع ورق اللي بيشتغل معاهم.
وأضاف محمد الشرنوبي: “الناس دي اتأكدت إن كل حاجة انتهت وإني معنديش التزامات لأي شركة تانية ومضينا مع بعض وابتدينا نشتغل.. المشكلة اللي بتواجهنا دلوقتي إن الأغاني بتفضل موجودة على كل المنصات.. بس في ثغرة في يوتيوب مش عارفين نتعامل معاها وهي لما بنزل فيديو على يوتيوب بيتحجب.. واليوتيوب بيدي مهلة للي عمل طلب إلغاء الأغنية 6 أيام عشان يرفع قضية ولو رفع قضية بندخل في سنة”.
