كتبت: نجلاء علاء الدين
رد المطرب الشعبي رضا البحراوي، علي الانتقادات اليت تعرض له خلال الفترة الماضية، بسبب عدد أبنائه، وذلك خلال لقائه في برنامج “كلام الناس” ، المذاع عبر شاشة قناة MBC، والتي تقدمه الإعلامية ياسمين عز.
وقال رضا البحراوي: “كان مكتوب على السوشيال ميديا إن أنا عندي 9 أولاد ولكن هما 8، وأنا بحب أهلي وإخواتي ويكون ورايا عزوة وناس، والمهنة بتاعتي مش دايمة واللي هينفعني في الدنيا هما العيال، وربنا يخلي ليا أمي وأبويا هما دول سندي وضهري في الحياة، وأنا من غير أمي وأبويا ولا حاجة، والناس بتقول رضا البحراوي ثم رضا الأب والأم”.
رضا البحراوي: مبعتذرش عن الافراح أما بكون تعبان
وتحدث رضا البحراوي عن الأزمة الصحية التي مر به قائلا:”كان ضغط الشغل وجالي برد وسوخنية الحمدلله ومبعتذرش عن الافراح أما بكون تعبان بس بيبقى صعب شوية لو دخلت المستشفى أو كدة لكن ممكن اجي على نفسي وانزل فرح عشان مزعلش العريس والعروس”.
رضا البحراوي: مكنتش حاسس بالنجاح قبل الغناء
وتطرق البحراوي للحديث عن بدايته الفنية قائلا: “كنت بسيط زي أي حد بشتغل عشان أمي وأبويا وهي جت من عند ربنا أنا مكنتش حاسس بالنجاح قبل الغناء بس مكنتش بسبب حنة الا أما أروح وأغني، أنا شقيت وتعتب في المهنة جامد، عملت أول شريط وأنا عندي 11 سنة وغنيت فيه من أصعب الأغاني.
رضا البحراوي: النجاح في المهنة دي بقى سهل بس مبيدومش
وأتم البحراوي حديثه قائلا:”عايز أرجع تاني أعمل أغاني ليا تتسمع والنجاح في المهنة دي بقى سهل بس مبيدومش، وأنا عايز أنجح كرضا البحراوي مش حد تاني ودائما بقول أنجح لوحدك غني لوحدك قاطعين الرزق كتير أوي، وأنا عمري ما أصاحب ابن كاري كلهم نفوسهم مش حلوة”.
