كتبت – إلهام الأشول
تحل اليوم ذكري وفاة الفنان الراحل احمد راتب ، واستمرت ابنته في كتابة رسائل تحمل عبارات مؤثرة دلالة علي فقد والدها ، واحيت ذكري وفاته الـ 7 اليوم الخميس 14 ديسمبر عبر حسابها على منصة فيس بوك : ” لما بيسيبك حبيب و واحدة واحدة تبدأ تستوعب بتلاقي نفسك بتسأل يعني خلاص كدة .. خلاص بجد .. طيب مفيش حتة أمل صغيرة إنك ترجع .. طيب ما انت لسة جوايا..لسة صوتك ف ودني و شكلك محفور ف قلبي..هودي كل دة فين .. ازاي كل اللي بينا دة مبقاش ليه اي ترجمة في الواقع .. إزاي اختفيت كدة من كل حاجة “
وتابعت “: هفضل مع الحاجات اللي جوايا دي لوحدي ازاي في كتير بيقولوا انك لسة حاسس بيا و شايفني ..طيب شوفتني و أنا بعيط من شوقي ليك .. شوفتني و أنا بموت كل يوم على وش الدنيا .. حسيت برعشة قلبي كل لما أشوف صورتك .. وصل لك عجزي لما بضعف و مش بلاقيك .. طيب لما بنادي عليك بالليل بالدعاء بتسمعني .. يعني انت عارف غيابك عمل فيا ايه”.
وأشارت بأنها لاتزال تعيش صدمة عقب وفاة والدها الراحل احمد راتب منوهةً بأن الطب اطلق عليها اصيبت بـ Trauma بينما تصفها لمياء احمد راتب بعبارات حزينة اذ قالت ” أنا بسميها كسرة بسميها عجز بسميها شوق ملوش مكان يروحه بسميها ذكريات بتدبح الروح أنا عايشة و طول الوقت في الخلفية موجود احساسي بالخسارة و النقصان و قلة الحيلة”.
واردفت الي شعورها بالالم والحزن والوجع طوال الـ ٧ سنوات منذ فقدانها والدها الراحل وفي كل صباح يتجدد لديها نفس الشعور بالالم والحزن واختتمت منشورها :”طيب ما أنا نفسي أحضنك قوي يا بابا و محدش عارف يحضنني زيك .. إدعي لي من عندك يا حاج ..السنين بتمر و روحي بتشيب من غيرك”.
