كتبت: سلوى أبو زيد
رد الدكتور أشرف زكي نقيب المهن التمثيلية، على تصريحات الفنانة نجوى فؤاد، والتي أعربت فيها عن استيائها من تجاهل النقابة لها.
تصريحات أشرف زكي لـ أون مصر
وقال الدكتور أشرف زكي لـ أون مصر: “النقابة عمرها ما اتخلت عن حد ومدام نجوى فؤاد عارفة ده كويس أوي وعارفة ان النقابة واقفه معاها ازاي، اما معاش النقابة فده المعاش، مش في ايدي حاجة اعملها”.
تابع زكي: “عموما احنا تحت أمرها لو في أي حاجة يمكن في تقصير او أي حاجة فاحنا تحت أمر مدام نجوى، وانا كنت على تواصل معاها قبل رمضان على طول”.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
تصريحات نجوى فؤاد مع سهير جودة
وتحدثت نجوى فؤاد، مع الإعلامية سهير جودة، وقالت: “اللي بيسأل عليا من الفنانين نبيلة عبيد وصفيه العمري بس كده، محدش من الفنانيين ولا النقيب سأل فيا، بقالي 6 أشهر بتعذب ومليش معاش علشان إحنا موظفين بالقطعة، مفيش أي حاجة للفنان خالص، الواحد ضيع عمره ببلاش”.
وأضافت نجوى: “دكتور أشرف زكي قالي المعاش أعتقد 600 جنيه، قولتلهم ده أنا بديهم للبواب، الرحمة من عند ربنا، لازم ياخدوا بالهم مننا احنا ادينا الفن اكتر بكتير من اللي بيمثلو دلوقتي، لأن إحنا خدنا ملاليم وهما بياخدوا ملايين، لازم يساعدوا الناس الغلابة اللي مش قادرة تجيب مضاد حيوي علشان تتعالج لازم يبقى لينا حل”.
سبق وصرحت الفنانة نجوى فؤاد عن أصابتها بـ انزلاق غضروفي، جعلها تشعر بألم حاد في حال تعرضها للوقوف لفترة طويلة، وأنها تستخدم كرسي بعجل وأحيانا العكاز لعدم قدرتها على الحركة بسهولة.
