كتبت: نجلاء علاء الدين
ردّت الفنانة وفاء مكي، على تصريحات ميار الببلاوي، والتي أطلقتها اليوم أثناء استضافتها في برنامج “العرافة” مع بسمة وهبة، وأكدت ميار الببلاوي خلال هذا اللقاء أن وفاء مكي لم تكن بريئة في قضية تعذيب الخادمة موضحة: “وفاء مكي مش بريئة وملهاش أي علاقة بالبراءة والطب الشرعي حسم القضية”.
وقالت وفاء مكي في تصريح خاص لموقع أون مصر: “كلامها تحصيل حاصل، ومعنديش تعليق أقوله غير أن حقي عند ربنا، والدليل موجود في حلقتها مع المذيعة ريهام سعيد، وهند عاكف موجودة أسالوها”.
ميار الببلاوي لـ ريهام سعيد: ندمانة إني متكلمتش في أزمة وفاء مكي من 23 سنة
سبق وأن ظهرت ميار الببلاوي في لقاء مع الإعلامية ريهام سعيد في برنامج “صبايا الشمس”، وتحدثت عن هذه الأزمة وأكدت علي حزنها الشديد لما حدث لـ وفاء مكي حيث قالت: “الموضوع اتنبش من الماضي من عمر ابني، وأنا متكلمتش في، مافيش مرة دخلت أوضة العمليات وأنا بعمل عملية في القلب إلا لما أدعي ربنا أنه يمد في عمري عشان أقول كلمة الحق، ولكن أنا عارفة أن كلامي مش هيعمل حاجة، أنا بعد 23 سنة تعبانة، وبقول لو أنا كنت عملت كده كان هيتاخد بكلامي”.
وتابعت: “وفاء مكي أتسجنت عشان حرقتهم مش حلقت ليهم، وهما مكنوش محروقين، ولما شفت صور البنات في الجورنال، كلمت مصور صحفي صديقي أنا ووفاء جداً، وقولت لي الموضوع ده غلط وفاء معملتش ليهم حاجة، مكنش فيهم حاجة دول زي القرود، وهو قالي الموضوع ده أكبر مني ومنك، في شخصية عايزة تضر وفاء، والكلام ده مش هيقدم ولا هياخر، وأهل الخادمة ناس فقرة مش لاقيين ياكلوا، واللي عرفته أن حد مضايق منها وعايز يضرها عشان تروح”.
ميار الببلاوي: الحمدلله أن ربنا مد في عمري عشان أقول الحقيقة
وأتمت حديثها قائلة: “والحمدلله أن ربنا مد في عمري عشان أقول الكلام ده، ولو مت بكره هكون مرتاحة، ولما هي استغاثة بيا إحساس الذنب رجع ليا، وأنا شفت بعيني أن البنات كانوا كويسين، وأنا شفت وفاء بتتخانق مع مدير الإنتاج عشان جاب أكل ليها قبل المساعدة بتاعتها، والبنات والله ما كان فيهم حاجة”.
