كتبت : مريم محمد
انتقدت الإعلامية مروة صبري المخرجة إيناس الدغيدي بسبب تصريحاتها الأخيرة حول المساكنة، حيث أشارت إلى أنها قد خاضت هذه التجربة قبل زواجها.
وقالت الإعلامية مروة صبري في برنامجها “قعدة ستات”: “طالعة بتقولي أنا عشت المساكنة قدام الناس كلها، إذا بليتم فاستتروا، ربنا سترني مطلعش أنا أفضح نفسي وأقول كده قدام الناس كلها”.
وأضافت مروة صبري: “صدمة كبيرة لكل الناس بعد ما سمعت التصريحات دي ويمكن الناس واخدة على أن المخرجة إيناس الدغيدي جريئة وصريحة وحرة في تفكيرها ولكن مش للدرجة دي في حاجات مينفعش، في حاجات ممكن أسيب مساحة لأني أكون معاكي أو ضدك وفي وقت وكلام وتصريحات وإجابات تودي في داهية”.
وأكملت مروة صبري: “حضرتك مش محتاجة تريند خالص أنا عارفة أنك مبتحبيش تطلعي في البرامج وعارفة إنك بترفضي إذا إنتي مش التارجت بتاعك تقولي حاجة تعملي تريند زي معظم الفنانين والفنانات اللي بيحبوا يطلعوا يعملوا بلبلة حواليهم عشان الناس والمواقع تجيب سيرتهم إنتي مش كده، وحتى لو كانت دي قناعاتك وإنتي شايفة إن دا تفكيرك اللي هو شاذ عن المجتمع والحياة لا يصح إنه يتقال، مفيهوش اه أو لأ مرفوض جملة وتفصيلا، عيشتي المساكنة إنتي حرة داري على نفسك”.
في سياق متصل، صرحت المخرجة إيناس الدغيدي خلال لقائها في برنامج “القرار” من تقديم نادية الزعبي انها عاشت تجربة المساكنة قالت:”عشت المساكنة مع جوزي قبل ما أتجوزه قعدت 9 سنين بحبه، مش فاكرة عيشت المساكنة كام سنة لأن الموضوع من زمان» وأكدت إيناس الدغيدي أنها لم تخض تجربة الزواج العرفي من قبل”.
