كتبت: نجلاء علاء الدين
علق مطرب المهرجنات الشعبية حسن شاكوش، علي حلقته التي عرضت بالأمس في برنامج “رامز جاب من الاخر”، عبر شتشة قناة إم بي سي مصر، وذلك بعدما ظهر مع طليقته في الحلقة والتي رفضت أستكمال المقلب.
وظهر حسن شاكوش في لايف عبر صفحته الرسمية علي موقع “إنستجرام” وقال: “عايز أقول لجمهوري متزعلوش حقكم عليا كنت عايز أقدم ليكم أحسن حاجة وحلقة حلوة عشان إحنا في جو رمضان وعايز الناس تنبسط، وأنا عارف أني رايح لرامز بالرغم أي حاجة هتحصل بس قلت المهم الناس تنبسط، اسف على اللى أنتم شفتوه في الحلقة عشان كمان الحلقة مكملتش ومحصلش نصيب”.
وتابع: “رامز كان مفكر أن الموضوع عادي بس محصلش نصيب وأنا لو كنت لوحدي كنت هكمل الحلقة ودي تالت أو تاني سنة اطلع مع رامز هو راجل محترم ونجم كبير أي حد بيتمني يطلع معه في البرنامج، وهو بيعلي من أي نجم بيروح له، وأنا بقوله متزعلش وحقك عليا عشان أنت كنت عايز تعمل حلقة حلوة وده يثبت للوطن العربي أنك مش بتتفق مع أي نجم ، وأنا كنت مفكر رامز مستضفني أنا لوحدي”.
حسن شاكوش يعتذر لجمهوره
وأتم: “وفي نفس الوقت الحمدلله علي كل حال وكل واحد مش بياخد أكتر من نصيبه وبتاسف لكل الناس اللي سمعت أي ألفاظ مش كويسة دي مش مني وأنا بتاسف بردو وأن شاء الله رمضان اللي جاي يكون لينا نصيب مع النجم رامز جلال تاني..محدش يصدق أي كلام سوشيال ميديا في حاجة إسمها هكر بتبوظ الدنيا ياريت ناخد بالنا عشان الكلام ده بيخرب بيوت ناس”.
أزمة حسن شاكوش وطليقته
يشار إلي أن نشبت العديد من الأزمات بين حسن شاكوش وطليقته ريم طارقن ووصلت هذه الخلافات إلي ساحات المحاكمن وأنتهت بالطلاق بينهم بعد فترة قليلة من الزواج.
