كتب: عبد الرحمن صلاح
كشفت الفنانة رانيا يوسف في حقيقة تحويلها هي وطاقم عمل فيلم “أوراق التاروت” لتحقيق بعد استعانتهم بالبلوجر علي غزلان، خلال أحداث العمل، مخالفين بذلك قرار نقابة المهن التمثيلية.
وقالت رانيا يوسف: أنا أول مرة أعرف أن أبطال فيلم “أوراق التاروت” اتحولوا للتحقيق، عرفت من السوشيال ميديا، ومعرفش أي معلومات جديدة عن الفيلم لأننا صورناه من سنتين، وكان المفروض فاضل لينا يوم أو اتنين ودي حاجة ترجع للمنتج أنا ماليش دخل خالص.
وأضافت: أنا أتحول للتحقيق ليه هو أنا اللي جبت البلوجر؟، أشك إن دكتور أشرف قال كده، اللي يتحول للتحقيق المنتج أنا دخلي إيه؟ وأنا أول مرة أعرف أن فيه بلوجر معانا في الفيلم، بيعمل إيه وبيعمل أي دور؟
وتابعت رانيا يوسف في احدى اللقاءات الصحافية: هما شافوا إني نجحت أوي في عمر أفندي، وفيه ناس مبيحبوش النجاح وبتحاول تحارب، فسابوا البغبغان والقطة ومسكوا في البوبي اللطيف والطيب جدًا.
وأكملت: الشخصية في فيلم “أوراق التاروت” عندها كلب في البيت إيه الغريب في الموضوع؟، ما كان فيه فيلم في مهرجان فينيسيا بطولة كلب إيه المشكلة؟، ولكن بما إن رانيا دايمًا تريند هما اللي بيثيروا الجدل وبيطفوه مع نفسهم، وأنا الحمد لله بشتغل وبنجح، ونجاحي بيضايق ناس كتير.
آخر اعمال رانيا يوسف
وكانت آخر اعمال رانيا يوسف، مسلسل “عمر أفندي” الذي حقق نجاح كبير في الفترة الماضية، ويشاركها في بطولة المسلسل كل من: أحمد حاتم، اية سماحة، مصطفى أبو سريع، محمود حافظ، محمد رضوان والمسلسل من تأليف مصطفى حمدي وإخراج عبد الرحمن أبو غزالة.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
