كتبت: أميمة أحمد
حرصت الفنانة راندا البحيري، على توجيه رسالة لجمهورها بعد تصدرها التريند في الأيام الأخيرة بسبب ظهورها بوزن زائد في أحد البرامج.
وكتبت راندا، عبر حسابها الرسمي بموقع التواصل الاجتماعي “فيسبوك”: “اطمنوا عليّ.. أنا كويسة جداااااا الحمدلله.. اللي كان مخليني مش فرحانة فترة طويلة إن كان فيه أسرار كتير وحاجات مقولتهاش لبني آدم وحاولت أقولها للناس المعنية بحلها ومعرفتش
بس بجد لما خرجت مني للناس القريبين الطيبين ارتحت الحمدلله جداً”
وتابعت: “إنما فكرة الشغل وكده أنا مش بشتكي أساساً ولا عايزة حاجة من حد والحمدلله أنا حالتي المادية كويسة جداً وشغالة في حاجات كتير تانية غير التمثيل”.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
وأضافت: ” بالنسبه للوزن الزائد اللي ظهرت بيه في حلقة الإعلامية الجميلة أوي مروه صبري فـ أنا كنت خارجة من دور برد قاااااسي قعد معايا شهر خدت فيه ٣ علب مضاد حيوي وخدت دوا علشان أقدر أتنفس وخدت دوا للحساسية والأدوية خلت المياة تتحبس تحت الجلد ده غير إن الزاوية اللي اتصورت منها كانت مش حلوة تماما والإضاءة متظبطتش على وشي صح وأنا كنت مرتبط’ ببرنامجين
برنامج مروه صبري و بعدها ب ١٨ ساعة برنامج مروة عبد المنعم على قناة الشمس و بالرغم من إن الوزن الزائد مش حاجة المفروض أطلع أبررها”.
واختتمت كلامها قائلة: “بس أنا حبيت أوضح مش أبرر
علشان لاحظت إن فعلاً فيه ناس خافت عليّ وفيه ناس تانية ابتدت تطلع إشاعات إن فيه عندي حاجة أكبر من كده بس الحمدلله أنا بطمنكم مفيش أي حاجه وأصلا المياة اللي تحت الجلد دي نزلت بعد تصوير البرنامج ب ٤٨ ساعة وأنا دلوقتي حالا أحسن بكتير اوي اوي”.
من ناحية آخري تنتظر راندا البحيري، عرض مسلسل “شمال إجباري” بطولة رندا البحيري، صلاح عبدالله، هاله فاخر، فراس سعيد، عماد رشاد، سامح الصريطي، منير مكرم، نوليا مصطفي إخراج محمد خضري تأليف خالد الغيطاني ومن المقرر عرضه خلال الفترة المقبلة.
