كتبت: نجلاء علاء الدين
كشف الشاعر تامر حسين، عن موقف إنساني من النجم تامر حسني، حيث أحياء حفل زفاف عروسين دون تقاضي أي مقابل مادي.
وحرص تامر حسين، على توجيه الشكر له نظرا لصلة معرفته بالعريس.
وكتب تامر حسين عبر حسابه الرسمي بموقع التواصل الاجتماعي فيسبوك: “شكراً ل أخويا وحبيبى النجم الكبير المُحترم تامر حسني ، موقف إنسانى من مواقف تامر المحترمة جداً اللى بيعملها كتير (من قلبهُ ) ويفرح بيها ناس كتير بِتحبه الراجل بعت لهُ إمبارح إن أخو صديقة ليا وعشرة عُمرى بيحبك وعايز بس فويس مُباركة منِك تقوله ألف مبروك فرحهُ بكرة سألنى إسمه ايه ؟ وبعدها طب إسم عروستهُ قلت هيعمل إهداء ب إسمهم كتر الف خيره”.
وتابع: “قالى الفرح فين ؟ قلت لاء الموضوع كده كبِر بلاش ياتيمو كتر ألف خيرك مباركتك دى هتفرحهم وفضِلت ب ألح عليه ب أكتر من رساله مايجيش لأني انا شخصياً هروح من ٨ ل ١٠ وهمشى عشان عندى فرح تانى معزوم فيه ماردش عليا إمبارح تماماً بعدها قلت أكيد فهم إنها مش مستهلة”.
وأضاف: “روحت الفرح ومشيت وجالى تليفونات من كل اللى فى الفرح شكر وصريخ واندهاش وفرحة ما بعدها فرحه للعريس وعروسته وأهاليهم واصحابهم إن تامر حسنى جه وبارك وغنا بلا أى مُقابل”.
تامر حسين لـ تامر حسني: أبو الذوق والواجب والجدعنة والإنسانيات
واختتم تامر حسين حديثه، قائلا: ودي حركة بجد عُمرى ما حنساهالك أبو الذوق والواجب والجدعنة والإنسانيات ربنا يقدرك على كل الخير ويزيدك من وسع ياتيمو ومتشكر جداً جداً جداً جداً شرفتنى والله.
