كتبت: تجلاء علاء الدين
تحدثت الفنانة دنيا سمير غانم، عن علاقتها بشقيقتها إيمي، وأكدت أنهم متشابهين في الجانب الإنساني، من ناحية حبهم للجمهور والعمل، وجاءت ذلك التصريحات من خلال لقائه في بودكاست عمرو أديب “بيج تايم”، المذاع عبر شاشة قناة إم بي سي مصر ومنصة شاهد الإلكترونية.
وقالت دنيا سمير غانم: “إحنا على طول مع بعض وبعد بابا وماما هي جت سكنت جمبي، لأن حسن كان مرتبط بمامته وإيمي كانت مرتبطة ببابا، فلما هما مبقوش موجودين بقينا كلنا جنب بعض، ومن الحاجات اللي بسمعها لما بقابل ستات كبيرة يقولولي خليكي مع أختك”.
دنيا سمير غانم: عيطت بسبب حلقة حسن الرداد في مسلسل محارب
وتابعت دنيا سمير غانم: “أنا هعيط تاني، أنا معملتش حاجة أنا بتكلم عن إيمي، طب نتكلم عن حسن الرداد مبيعيطش ده، لا ما هو حسن لسه إمبارح كنت بشوفله مشهد من مسلسله بتاع رمضان مسلسل محارب قعدت أعيط”.
دنيا سمير غانم: مفيش فرق بيني وبين إيمي في الجانب الإنساني
واستكملت دنيا سمير غانم حديثها بتوضيح الفرق بينها وبين شقيقتها قائلة: “مفيش فرق بيني وبين إيمي في الجانب الإنساني، زي حبنا للناس واحترمنا لشغلنا، الحاجات اللي تربينا عليها، لكن في اختلاف في الطباع أنا هادية جدا وممكن أقعد أشيل، لكن إيمي بتهزر طول الوقت، واخده جينات خفة الدم من بابا، وفي حياتها عصبية جدًا”.
