كتبت: نجلاء علاء الدين
تداول رواد مواقع التواصل الاجتماعي، عددا من الأنباء التي تشير إلى عودة مطرب المهرجانات حسن شاكوش لطليقته ريم طارق، مما أحدث حالة من الجدل بين المتابعين.
وفي أول تعليق لمطرب المهرجانات الشعبية حسن شاكوش على هذا الأمر، قال في تصريح خاص لـ “أون مصر”: جميع الأنباء المتداولة علي السوشيال ميديا غير صحيحة.. ولا يوجد نية للرجوع”.
آخر ظهنور لـ حسن شاكوش وريم طارق
وكان قد ظهر حسن شاكوش مع طليقته ريم طارق، في إحدى حلقات برنامج “رامز جاب من الآخر”، والذي عرض في رمضان، ورفضت حينها استكمال الحلقة.
وظهر حسن شاكوش في لايف عبر صفحته الرسمية علي موقع “إنستجرام” وأوضح ما حدث قائلا: “عايز أقول لجمهوري متزعلوش حقكم عليا كنت عايز أقدم ليكم أحسن حاجة وحلقة حلوة عشان إحنا في جو رمضان وعايز الناس تنبسط، وأنا عارف أني رايح لرامز بالرغم أي حاجة هتحصل بس قلت المهم الناس تنبسط، آسف على اللى أنتم شفتوه في الحلقة عشان كمان الحلقة مكملتش ومحصلش نصيب”.
وتابع: “رامز كان مفكر إن الموضوع عادي بس محصلش نصيب وأنا لو كنت لوحدي كنت هكمل الحلقة ودي تالت أو تاني سنة أطلع مع رامز هو راجل محترم ونجم كبير أي حد بيتمني يطلع معاه في البرنامج، وهو بيعلي من أي نجم بيروح له، وأنا بقوله متزعلش وحقك عليا عشان أنت كنت عايز تعمل حلقة حلوة وده يثبت للوطن العربي أنك مش بتتفق مع أي نجم ، وأنا كنت مفكر رامز مستضيفني أنا لوحدي”.
حسن شاكوش يعتذر لجمهوره
وأتم: “وفي نفس الوقت الحمدلله علي كل حال وكل واحد مش بياخد أكتر من نصيبه وبتاسف لكل الناس اللي سمعت أي ألفاظ مش كويسة دي مش مني وأنا بتاسف بردو وأن شاء الله رمضان اللي جاي يكون لينا نصيب مع النجم رامز جلال تاني..محدش يصدق أي كلام سوشيال ميديا في حاجة إسمها هكر بتبوظ الدنيا ياريت ناخد بالنا عشان الكلام ده بيخرب بيوت ناس”.
خلاف حسن شاكوش وريم طارق
يشار إلى أن نشبت العديد من الخلافات بين حسن شاكوش وريم طارق، وذلك بعد أشهر قليلة من زواجهما، ووصلت الخلافات بينهما إلى ساحات المحاكم.
