كتبت: سلوى أبو زيد
علق المطرب حسام حبيب على أزمته الأخيرة مع المطربة شيرين عبد الوهاب، حول تدخله بين الأخيرة وابنتها، والأتصال بوالدها الملحن محمد مصطفي.
وقال حسام حبيب في تصريحاته لـ أون مصر: ” مفيش موقف من والد البنات، حصل مشادات عادية زي ما بيحصل بين الأخ وأخوه أو بين الأب وابنه ده بيتكرر مع كل الناس عادي، كل اللي حصل ان كنت بفك اشتباك وكل واحد يريح في مكان شوية لحد ما يهدي”.
وأضاف: ” أبو البنات كان هياخدهم من غير أي مشكلة أو أزمة، عشان يقعدوا معاه، كل اللي حصل ان جبته يقعد كام ساعة، مش عايزين نكبر المواضيع يا جماعة”.
واختتم حسام حبيب حديثه مع أون مصر قائلاً: ” لما قولت ان شيرين اتخانقت مع بنتها ماكنش قصدي حاجه وحشه، أنا مهما حبيت مريم عمره ما هيكون قد حب شيرين ليها، وكمان والدتهم طيبه وحنينه جدا، وعلى رأي المثل ما ينوب المخلص الا تقطيع هدومه وده اللي حصلي بالظبط”.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
كما رد حسام حبيب على الحملة الشرسة التي تعرض لها خلال الأيام القليلة الماضية، واتهامه بتشويه صورة الفنانة شيرين عبد الوهاب زوجته السابقة.
وقال حسام حبيب في تصريحات خاصة لـ أون مصر: ” أنا عمري ما أقدر أشوه صورة شيرين، دية أغلي إنسانة عندي في الدنيا، لا يمكن أذيها أو اسمح لأي حد أنه يأذيها”.
وأضاف حسام حبيب: ” ده أنا أدفع حياتي عشان أحسن صورة شيرين قدام الناس، ديه لما بتقول اااه انا بحسها، مقدرش أذيها، مش معني ان في مشكلة أن شعوري ناحية شيرين يكون ان أشوه صورتها”.
كان لحسام حبيب وشيرين عبد الوهاب تعاون فني من خلال تقديم دويتو، بعنوان “كل ما أغني”، عام 2016.
حقق هذا التعاون نجاحاً كبيراً، ونالت إعجاب الجمهور، ثم تم الزواج بين المطرب حسام حبيب والفنانة شيرين عبد الوهاب عام 2018.
