كتبت: نجلاء علاء الدين
أشاد السيناريست تامر حبيب بمسلسل “لحظة غصب”، وكشف عن رأيه في النجوم المشاركين في العمل من خلال منشور له عبر حسابه الرسمي على موقع تبادل الصور والفيديوهات “إنستجرام”.
وكتب تامر حبيب: “بهداوة وروقان ومن غير صداع وإدعاء، الجماعة دول عملوا مسلسل مختلف ومحترم وبسيط وصعب، نوعية مختلفة مش متعودين عليها في الدراما العربية عمومًا، ومعمولة بوعي وذكاء ونضج واضح”.
وتابع تامر حبيب حديثه بالإشادة بالفنان محمد شاهين على دوره في المسلسل قائلا: “كاست ممثلين كل واحد فيهم غير متوقع في دوره ومفاجئ جدا فيه، وأخص بالذكر محمد شاهين، صاحبي وأخويا وابني الغالي اللي بجد رافع راسي بقاله شوية حلوين عشان نضج واستوى وبقي ممثل ثقيل، وصاحبتي وحبيبتي ناردين فرج اللي في رأيي الشخصي باعتبرها من أفضل المذيعات اللي مثلوا في مصر، واللي برضه بتنضج وتتطور من دور لدور”.
تامر حبيب يوجه الشكر إلى نجوم مسلسل لحظة غصب
وأكمل: “علي قاسم أخويا الصغير الممثل بالفطرة واللي ما بيبطلش شغل على نفسه واللي برضه بيتطور ويثبت موهبته من دور لدور، وطبعا باقي طاقم الممثلين دون استثناء حتى الضيوف اللي كل واحد فيهم كان في مكانه جدا، سيناريو صعب ورشيق وذكي، ومخرج بسيط وشيك وزاهد وقاصد مايحسسكش بيه”.
وأتم: “عايز أخص بالذكر الموسيقى التصويرية في هذا المسلسل بالذات، اللي باشوفها من وجهة نظري أفضل موسيقى تصويرية في مسلسلات نص رمضان الأولاني، والأغاني المستخدمة واللي تم اختيارها بدقة وتركيز، وتحياتي لصاحبي المنتج طارق الجنايني، لأنه اقتنع بالاختلاف ده وأقدم على إنتاجه.. بجد مش عايزكم تمشوا”.
أبطال مسلسل لحظة غصب
يشارك في بطولة مسلسل “لحظة غضب” كل من صبا مبارك، محمد شاهين، ناردين فرج، على قاسم، سارة عبدالرحمن، ريم خوري، أنس جمال، ومن تأليف مهاب طارق، وإخراج عبدالعزيز النجار، وإنتاج طارق الجنايني.
