كتب: عبد الرحمن صلاح
استقبلت الفنانة إسعاد يونس، الموسيقار الكبير عمر خيرت، في حلقة خاصة من برنامج صاحبة “السعادة” المذاع عبر شاشة قناة” “DMC.
وكشف الموسيقار عمر خيرت، عن حبه للموسيقى منذ طفولته قائلا:” أنا بحب الموسيقى من وأنا صغير واشتغلت واجتهدت فيها وسيبت الباقي على ربنا وعمري ما حسبت إيه اللي هيحصل ”
عمر خيرت يمدح الفن والشعب المصري
وتابع حديثه: أعتز إني مصري وكل فريقي في الأوركسترا مصريين، مصر فيها أكاديمية للفنون وفنانين عالميين أسماؤهم في الدنيا كلها بتتقال فتحيا مصر، والشعب المصري شعب ذواق جدًا اللي اتربى على سماع أم كلثوم ومحمد عبد الوهاب وعبد الحليم حافظ، الجمهور عنده حس موسيقي وفني وأذن بتسمع كويس فاحنا محظوظين.
رأي عمر خيرت في الموسيقى والالحان الجديدة
الموسيقى الجديدة مش نوعي ومش معنى كده ان انا بذم فيهم بس بما ان انا مارست الموسيقى العالمية والمصرية وجميع أنواع الموسيقى الرفيعة بيبقى تذوقي مختلف وانا مش بغلط في حد
عمر خيرت: انا تعبت في كل المقطوعات اللي عملتها
كل المقطوعات اللي عملتها تعبت فيها وتأليف الموسيقى بيكون له تعب والفكر بتاعها زي تربية الأولاد متعبين حتى لما بيكبرو بنكون واخدين بالنا منهم، اللحن بيكون ابني وبحاول أربيه كويس عشان يأثر في الناس زي ما أثر فيا، ولازم اللحن يكون صادق.
