بوسي لـ”العرافة”: “طليقي كان معيشني معاه بالعافية”.. و”كان مكتفني بالسحر”

كتبت: نجلاء علاء الدين

كشفت النجمة بوسي، العديد من الأسرار عن أزمتها مع طليقها المنتج الراحل وليد فطين، وذلك أثناء لقائها في برنامج “العرافة” مع الإعلامية بسمة وهبة، والذي تم عرضه عبر شاشة قناة النهار.

ونفت بوسي، كل الأقاويل التي كانت تفيد بأنها هي من قامت بالإبلاغ عن طليقها، كما نفت جميع تصريحات شقيقتها، وأكدت أنها هي التي كانت تنفق على كافة متطلبات المنزل.

أبرز تصريحات بوسي اليوم 

وقالت بوسي: “أنا مبلغتش عنه ده واحد كان على أحكام وشبكات وقضايا وحاجات كتير.. أنا كشفت بس عليه ولقيت عليه 75 قضية.. كان معيشني معاه بالعافية والسحر كان مكتفني.. ممضيني على وصولات أمانة عشان يربطني وأنا كنت معنديش إرادة”.

وتابعت بوسي حديثها قائلة: “دفعت لي 4 مليون جنيه وفضل ياخد 25% من نسبتي لمدة أربع سنين، وقبلت بالحكم ده عشان كان في رجالة كبيرة موجودة، منهم الدكتور أشرف زكي ومحمود الليثي وأحمد السبكي.. كان وقتها رافع عليا 17 قضية.. وربنا اللي عالم أنا لميت الفلوس دي إزاي”.

بوسي تطلق تصريحات نارية عن عائلة طليقها الراحل

وأكملت بوسي حديثها قائلة: “اخته كانت بتتشتم وتتبهدل قدامي وأنا اللي كنت بديها فلوس.. كنت بصرف على كل حاجة في البيت من شغلات لأكل وشرب من الفتفيت اللي كان بيرمهالي.. كانوا عايشين من خيري.. دي عيلة متعرفش ربنا وهو راح للي يحسبه وانا مشفتش مرمطة وبهدلة غير على أيده”.

وأتمت بوسي حديثها قائلة: “ربنا اللي بيسامح أنا بشر.. كفاية سمعتي اللي بهدلها وكلامه أن شرفي.. كفاية أنه خلي الناس شافوني ست وحشة ست جاهلة إني سجنت أبو ابني ورميته وخدت فلوسه.. ده نفس السيناريو اللي قالهولي عشان يرجع فطينه الزوجة السابقة.. كان مفهمها أنه مستحملني علشان ياخد فلوسه اللي صرفها عليا وهو مافيش حد منصبش عليا.. كان بينصب على ناس على حس الإنتاج”.