بوسي في ضيافة “العرافة”: “طليقي كان متجوز رقاصة وخلاص تابت وبتربي بنتها”

كتبت: نجلاء علاء الدين

استضافت الإعلامية بسمة وهبة النجمة بوسي، في أولى حلقات برنامجها “العرافة”، المذاع عبر شاشة قناة النهار، وأطلقت بوسي خلال هذا اللقاء عددا من التصريحات النارية بشأن خلافها مع طليقها الراحل المنتج وليد فطين.

بدأت بوسي، حديثها بالرد على اتهامات شقيقة طليقها فطين قائلة: “أنا بتبع سياسة الصمت مش أي حد معدي في الشارع هيقول حاجة هنرد عليها.. وأنا مش بتكلم في حاجة عشان مشاعر ابني”.

بوسي: كان متجوز رقاصة 

وعرضت الإعلامية بسمة وهبة، مقطع فيديو للمنتج الراحل فطين، وهو يقول: “دمرتلي حياتي وشغلي وسمعتي وأخذت ابني.. لفقتلي قضية وحطتلي سلاح ومخدرات تحت السرير.. أنا من 2015 في مشاكل بسببها”.

وردت بوسي على هذا الفيديو بقول: “لما قابلت فطين أول مرة كان عشان يمسكلي شغلي وقالي إنه مطلق.. كان متجوز رقاصة وهي دلوقتي قاعدة في بيتها منتقبة وبتربي بنتها بطريقة محترمة”.

بوسي: بني آدم طماع 

وتابعت بوسي حديثها قائلة: “هو بني آدم طماع ولف عليا واتجوزني وعرف يوقعني.. كنت ريحاله وأنا عيّلة.. وأنا اتجوزت عشان أهرب من سيطرة خالي واستغلاله ليا ودخلت مع الأسوأ منه.. وبعد ما اتجوزته اتجوز عليا رقاصة من شارع الهرم عشان هو طماع”.

وأكملت بوسي حديثها قائلة: “هو كان بينحتني في الشغل وكنت باخد 400 جنيه وهو كان بياخد الباقي من الألفات، كانت نسبتي وقتها 10%.. وأنا كنت مشهورة في المحلات وليا اسمي.. وأنا كان وقتها معنديش إرادة وده اللي اتجوزني بي”.