كتبت : مريم محمد
انتقدت الإعلامية مروة صبري الفنانة مها أحمد في برنامجها “قعدة ستات” ، بسبب تصريحاتها التي أثارت جدلا كبيرا خلال الفترة الأخيرة و هجومها علي متابعيها عبر “تيك توك”.
قالت الإعلامية مروة صبري: “افصلوا النت يا جماعة عن مها أحمد، لأن مها مبقتش خطر على نفسها دي بقت خطر على الجمهور كمان، ومش دول الجمهور اللي انتي بتحبيهم ومش قبل كده لما الناس طلعت تهاجمك وتقولك بتطلعي ليه على التيك توك قولتي محدش يتكلم، طب انتي طالعة على متابعينك بتهزقيهم ليه؟”.
وأضافت: “سيبي اللي عايز حاجة يقولها، ودي أذواق، وفي ناس مبسوطة بوجودك على اللايف من وجهة نظرهم يعني هم أحرار وفي ناس متضايقة وناس شايفة انك قيمة فنية كبيرة، وحتى لو هتردي عليهم قولي لهم يا جماعة انا مش لاقية شغل إنما لا تتلفظي بألفاظ”.
وفي سياق متصل، نشرت الفنانة مها أحمد فيديو عبر حسابها ” تيك توك” ترد علي هجوم المتابعين لها بعد تصريحتها بطلبها العمل مع شيخ خليجي قالت : ” أنا صحيت على إن الدنيا مقلوبة والجمهور اللي بيحبني ومش متنمر زعلان إني بقول عاوزة أشتغل عند شيخ.. أنا مليش ذنب بميولك أو إن عندك خلفية بإن اللي بتشتغل عند شيخ بتروح تشتغل خدامة”.
وتابعت: “لكن أنا هانم.. ولما كنت بتكلم إني عاوزة أشتغل عند شيخة أو شيخ من الشيوخ فده بناءً على تاريخ الفن اللي انتم جاهلين بيه.. لأن أعمال فنية مصرية كتير متصورة في استوديوهات شيوخ خلايجة.. وكان في ستوديوهات هنا مملوكة لشيوخ وكنا بنروح نصور عندهم.. وفي شيوخ خلايجة ومنتجين بيعشقوا الفن هناك”.
