كتبت: سلوى أبو زيد
حل الفنان الكبير حسن يوسف ضيفا في مداخلة هاتفية ببرنامج تفاصيل مع الإعلامية نهال طايل الذي يعرض على قناة “صدى البلد”.
تحدث حسن يوسف عن اعتزاله الفن بعد تصريحات زوجته الفنانة المعتزلة شمس البارودي، موضحاً أن وفاة ابنه عبدالله أثر عليه بشكل كبير.
وقال الفنان حسن يوسف خلال المداخلة الهاتفية: “أنا الحمد لله بخير وكويس، وبعد وفاة ابني الغالي عبد الله أخدت القرار فورا، لأن الوجع اللي جوايا وجع الإبن ربنا ما يكتبه على حد خلاني مقدرش أقدم أدوار اللي الناس أتعودت تشوفني فيها وأنا لسه جوايا الوجع ده”.
تابع حسن: ” مقدرش أقول غير الحمد لله، دلوقتي أنا مشغول بالقراءة ولو اتعرض عليّا عمل معنديش شرط غير إنه يكون ورق وأجر كويس إذا كان هيبقى فيه، لكن غير كده مفيش شهية للشغل، بعد وفاة ابني شوفت إن التمثيل ملوش لازمة”.
وأضاف حسن يوسف: ” بشكرهم على تعاطفهم معايا وإنهم شاركوني على فقد ابني، ولحد دلوقتي بيجيلي تعازي وطول عمركم جنبي ومش مقصرين في تشجيعي وإذا كنت عملت أعمال كويسة فـ ده بفضل تشجيعكم ليّا “.
