بعد ما لفت الأنظار بشخصية صياد السمك شنهابي في مسلسل تحت الوصاية في رمضان ٢٠٢٣، الممثل الصاعد أحمد عبد الحميد يتألق في أدوار جديدة مثيرة منها العبد.. وحامي خُط الصعيد.. وفتوة الموالد.
يقدم أحمد عبد الحميد شخصية عبد في فيلم “أسد أسود”، اللي بيدور في عصر تجارة العبيد، وشخصيته جريئة وشجاعة وما بيخافش من أسياده اللي بيوقف قصادهم علشان حق أخوه، ومستعد يضحي بروحه عشانه.
كما يشارك في فيلم” فرقة الموت” ويقوم عبد الحميد بتجسيد شخصية “رمضان” أخو خط الصعيد الشهير، واللي هيشاركه في عمليات البلطجة والقتل.
بينما يشارك في فيلم “شمس الزناتي”، اللي بيدور في عصر الاحتلال الإنجليزي، هيلعب عبد الحميد شخصية “سيد سبرتو”، اللي بيشتغل رامي سكاكين في الموالد، ورغم عقله المغيب طول الوقت بسبب شرب الخمور، إلا أنه طيب وجدع، وعنده صداقة وفية مع باقي الشخصيات.
