بعد انتقاده أعمال الملحن محمد مدين وعزيز الشافعي.. تامر حسين يهاجم عمرو مصطفى

كتب: عبد الرحمن صلاح

تعرض الملحن عمرو مصطفى لهجوم من الشاعر تامر حسين، بسبب انتقاده أعمال الملحن محمد مدين، وعزيز الشافعي.

وعلق الشاعر تامر حسين من خلال حسابه على فيسبوك قائلا: رداً على فيديو المُلحن سليط اللسان قبيح ال قول..أنا فعلاً غلطت لما قُلت على المُحترمين المُبدعين مدين أو عزيز الشافعي زمايلك على أساس انك معانا ف الوسط وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل والإفتراءت الكدابه اللى بتخترعها فى أى نجاح كبير يلتفت حواليه الناس و انت لا ترتقى إنسانياً تبقى زميل ل واحد فيهم شتان فرق الأخلاق ده انا اللى بعتذر لهمُ على التشبيه الغير موفق مني ظلمُتهم

تامر حسين: انا بجيب سيرتك بالخير علشان بعمل ب أصلي

وتابع: ثانياً لو جبت سيرتك بالخير ف أنا بعمل ب أصلى فى أى لقاء وأى برنامج وبتربيتى وب أقول عيب عنده أولاد كُبار يتشرفوا ب باباهم ماتردش الإساءة ب الإساءة معنديش فُجر الخصومه ولا حابقىّ مُتقلب الود زيك مع كل اللى أحسنوا إليك وساعدوك عشان لما حد من الجمهور المحترم يشوفنى مايقولشى عليا قليل الأصل ونتساوىّ ف القُبح ودى أخر مرة حاغلط وأجيب سيرتك لانى ما بقيتش ب أتشرف بيها وب أتكسِف منها

تامر حسين: الناس عارفه مين فينا الصادق والكداب

وأضاف: الناس عارفه كويس وفاهمه مين فينا صادق ومين كداب، بالمواقف والسنين والإحترام والتقدير، والحمد لله أنى ربنا أنعم عليا وخلانى شخص سوي وب أعقل كلامى وإحترم نفسي لا ف قلبى غل ولا حقد ولا ب أعترض على اللى ربنا كاتبهُ ل زمايلي ببارك للجميع بقلب أبيض ما بأقللش من مجهودهم ونجاحهم.

واختتم حديثه: دى آخر رسالة تتقالك بـ إحترام ال جى حابقىّ عداني العيب، إحترم سنك إحترم نفسك إحترم انك عندك أسرة مايصحش
يبقى cv من بعد ما كان نجاحات يبقى خِناقات وسيرة سيئة لإن ماحدش حايسكُت لك تانى على أى تجاوز”.