بسبب إعلان رمضان.. “طوفان المقاطعة” يدهس “تامر حسني”

كتبت : نجلاء علاء الدين

تعرض النجم تامر حسني، لانتقادات لاذعة من قبل الجمهور على مختلف مواقع ومنصات التواصل الاجتماعي، خلال الساعات الماضية، وذلك بعد تقديمه إعلان لصالح إحدى شركات المقاطعة في رمضان 2024 تحت عنوان “افرح يا نايم”.

وغضب الجمهور عبر مواقع التواصل الاجتماعي من تامر حسني، بسبب تجاهله لإحداث غزة، حيث تعتبر هذه الشركة من شركات المقاطعة، والتي قاطعها الشعب المصري بسبب الأحداث المأساوية التي تحدث في غزة على يد قوات الاحتلال الإسرائيلي الغاشم.

تامر حسني وأحداث غزة

ومنذ نشوب الحرب في يوم السابع من شهر أكتوبر لعام 2023، وبدأ عملية “طوفان الأقصي”، دشن الشعب المصري حملات مقاطعة للمنتجات التي تدعم كيان الاحتلال الإسرائيلي.

وطالب بعض رواد مواقع التواصل الاجتماعي، مقاطعة أعمال تامر حسني الغنائية، بعد تقديمه هذا الإعلان في رمضان 2024، وتصدر الأمر محركات البحث الإلكترونية منذ، صباح اليوم.

تامر حسني يتحدث عن الأوضاع المأساوية لسكان غزة

سبق وأن تحدث تامر حسني عن الأوضاع المأساوية لسكان غزة من خلال منشور له عبر صفحته الرسمية على موقع “فيسبوك” حيث كتب: “من قوة تمسكي و إصراري وقناعتي برحمة ربنا، بقالي فتره بدرس فكرة معينه اعتقد بتشغل ناس كتير الوقت ده بسبب الحالة النفسية المرعبه اللي عايشينها كلنا… كنت بقول معقول اللي بيتقتلوا ظلماً بالبشاعة دي في كل زمان هل بيحسوا و بيشوفوا هول ورعب الموقف ويتعذبوا بالطريقة الغير محتمله الواضحه للأشخاص الآخرين اللي حاضرين الموقف أو شافوا الموقف في تلفزيون أو موبايل!!!؟”.

وتابع: “درست الموقف ده على حد اجتهادي الشخصي وصلت لآيه في القرآن الكريم مهمه جداً ((فكشفنا عنك غطاءك فبصرك اليوم حديد))، يعني اللحظة اللي أراد فيها ربنا أن يقبض روح بني آدم يدخل البني آدم في عالم آخر و يشوف حاجات تانية الناس اللي عايشين ميقدروش يشوفوها، يعني اللي بيتفرج بيشوف مشهد صعب جداً قد ليتعظ أو لاي سبب آخر بس اللي في الموقف والموت ينتظره مش بيشوف العذاب ده عشان بصره اليوم بيبقى حديد يعني بيدخل في عالم وزمن تاني عند ربنا فابيشوف حاجات تانيه و مهما تشوفوا جثث محروقه او مقتوله، تأكدوا ان ربنا كان رحيم بأصحابها ومشافوش الموقف الصعب اللي انتوا شوفتوه ده”.

وأكمل: “سورة الواقعة تثبت ده في الآية الكريمة دي ((فلولا إذا بلغت الحلقوم وأنتم حينئذ تنظرون ونحن أقرب اليه منكم ولكن لا تبصرون)) صدق الله العظيم، يعني لو الروح او خروج النفس بيحصل وانتوا شايفين يعنيكم مثلاً شخص مظلوم و تم الغدر به والنار ماسكه فيه ويصرخ وانتوا شايفينه قدام عينكم بيتعذب ربنا هنا بيقول إن في اللحظة دي ربنا بيكون أقرب إليه منكم بس انتوا مش هتشوفوا يعني بتكون روحه بين يد ربنا بكل حب ورحمة والمشهد الصعب اللي انتوا شايفينه ده الشخص مش حاسس بيه خالص”.

تامر حسني يتحدث عن الظلم الذي يتعرض له سكان غزة

وأضاف”اوعوا تشكوا في رحمة ربنا مهما شوفتوا قدام عينكم مشاهد صعبة..و على النقيض.. إما بيموت الظالم بيشوف مالا يسره و ما يفزعه في طريقة أخذ روحه.. وبعد دراستي الشخصية الفكرة دي اتأكدت من بعض رجال الدين الكبار التي تجمعني بهم صداقه ومحبة وأكدولي صحة ما بحثت عنه.. جزاهم الله كل الخير.. سبحان الله”.

وأتم “القرآن مسابش لحظه متكلمش فيها وشرحها بدقة والله يا جماعة أنا واثق إن كل حد فينا عنده مصاحف كتير بس للأسف في منها مهجور الكتاب ده عظيم ومعجزة عايشه معانا وللأسف في بعضنا مش حاسس بقيمتها.. بوست من اجتهادي الشخصي ياريت أكون وصلت شيء من الطمأنينة والأكثر مني علم ياريت يفيدنا بأكثر وياريت كلنا نجتهد لنشر كل ما يطمن عن رحمة ربنا لعبادة”.