كتبت: نجلاء علاء الدين
طرحت النجمة المغربية بسمة بوسيل، أغنية جديدة بعنوان “قال في حقي” عبر قناتها في موقع يوتيوب والمنصات الموسيقية، والأغنية من كلمات أحمد عبد العزيز، ألحان وتوزيع شريف قاسم.
كلمات أغنية “قال في حقي” لـ بسمة بوسيل
من إجابته عن سؤال .. إنتوا سيبتوا بعض ليه ؟؟
قلبى حن له ومال .. إنى أرجع تانى ليه
كان فى رده ع اللى كان .. حزنه باين من عينيه
والغريبة إنه كمان .. جاب اللوم والعيب عليه
قال في حقى كل خير
قال كلام عاقل كبير
قال خلافتنا عشان
إنى كنت عليه كتير
قال عمره جنبى ما خاف
وإنه زيى في يوم ما شاف
وإن أنا هفضل فى قلبه
حبه الأول والأخير
لامنى قلبى على اللى فات .. وإن أنا فرطت فيه
فات شريط الذكريات .. و اشتقت للمسة إيديه
إزاى ما قدرتش أشوف .. قيمته غالية أد إيه
مهما كانت الظروف .. ده اللي ما يتفرطش فيه
أول أغاني بسمة بوسيل
وفي شهر مايو الماضي، طرحت النجمة المغربية بسمة بوسيل، أول أغنية لها وحملت اسم “البدايات”، وقام بانتاجها طليقها السابق تامر حسني، والتي حرصت علي توجيه الشكر له نظرا لدعمه المستمر لها في مشوارها الغنائي خاصة بعد الانفصال.
وأعربت بسمة بوسيل عن سعادتها بهذه الأغنية، والتي وصفتها بأنها بداية لمشوارها الفني، وقامت بسمة بمشاركة جمهورها للبوستر الرسمي للأغنية عبر حسابها الرسمي على موقع تبادل الصور والفيديوهات إنستجرام، وعلقت عليها قائلة: اسمعوا أغنيتي الجديدة البدايات، دلوقتي على يوتيوب وجميع منصات الاستماع، إن شاء الله تعجكم، ومستنية رأيكم.
بسمة بوسيل: البدايات أول أغنية رسمية في مشواري الفني طلبتها من تيمو ومترددش لحظة إنه يديهالي
وتابعت بسمة بوسيل: على فكرة الأغنية دي بتاعت تيمو، ولما قلتله إني عايزة أعمل أغاني ليا على طول شجعني وقالي طب أول أغنية ليكي أنا هعملهالك، وطلبت منه دي عشان كنت بحبها أوي، فمترددش لحظه إنه يديهالي، ودي أول أغنية رسمية في مشواري الفني.
