كتبت: نجلاء علاء الدين
قالت الفنانة شمس، إنها تشعر بالحرج عندما تطلب من أي مخرج العمل معه، موضحة أنها لم تفعل ذلك الأمر حتى وقتنا الحالي، لأنها تعتز بنفسها وفخورة بما قدمته من أعمال فنية عبر الشاشة.
وتابعت شمس، خلال مداخلة هاتفية في برنامج “تفاصيل”، عبر فضائية صدى البلد 2، تقديم الإعلامية نهال طايل: “زمان مكناش بنتصل بالمخرجين عشان نشتغل، مضيفة: مبعرفش أكلم حد وأقوله عايزة أشتغل، لأني بعتز بنفسي ومن الصعب أطلب العمل.
الفنانة شمس: الفنانين دلوقتي لما بيشوفوني بيصعب عليهم حالي
وأضافت شمس: الفنانين دلوقتي لما بيشوفوني بيصعب عليهم حالي، مؤكدة: مريت بحالة نفسية صعبة جدا وربنا كرمني وعديت منها.
الفنانة شمس: مش ههين نفسي على كبر عشان لقمة العيش
واختتمت الفنانة شمس حديثها قائلة: مش أنا لوحدي اللي مش لاقية شغل ولكن فيه فنانين كتير زيى، مؤكدة: مش ههين نفسي على كبر عشان لقمة العيش، وأنا مش متفاعلة على التيك توك، الناس اللي بتطلع على التيك توك بتاخد دعم مادي كبير من المتفاعلين”.
