الحياة مكنتش سهلة.. يسرا تحكي عن أفلامها الفاشلة في بداية مشوارها الفني

كتبت مريم محمد

حلت الفنانة يسرا، ضيفة على الشقيقين عمرو وأحمد سعد، ببرنامج “بيت السعد”، المذاع عبر فضائية “MBC1″.

كشفت الفنانة يسرا عن معاناتها في بدايتها الفنية، ووقعوها في مشاكل وأزمات مع بعض المنتجين والفنانين، قائلا :”الحياة مكنتش سهلة، كان بيبقى في صراعات غير عادية وأنا مكنتش قدهم، ومش قد الخبطة لأني كنت ضعيفة”.

يسرا: عملت 25 فيلم في 4 سنين ومتعرضوش

وتحدثت الفنانة يسرا، قائلة: “عملت 25 فيلم في 4 سنوات منزلوش السينما، كان اسمي النجمة المعلبة، وكلهم سقطوا 90% منهم منجحوش، أنا بقى سألت قولت يمكن العيب فيا درست وبقيت أشوف النقاد كتبوا إية عني، وأشوف هما بيقولوا اية عن الفيلم وإيه اللي ناقص وإيه اللي مش ناقص وكل ده علمني”.

وتابعت الفنانة يسرا : “هما قالوا إن البنت دي كويسة يبقى الغلط مش عندي، وسألت نفسي الغلط في توقيت نزول الفيلم ولا اختيار المواضيع ولا أنا متوظفة غلط، وابتديت أتعلم وأدرس ده عشان أبعد عنه تماما، لأنك لما بتشتغل مع مخرج كبير بيخليك كبير لانه بيحبك، ولو حبك المخرج اشتغل معاه عمياني”.

يسرا تكشف كواليس بداياتها الفنية: حضرت مونتاج فيلم الكرنك

وأضافت الفنانة يسرا :«بداياتي كانت صعبة جدًا لأن كان فيه نجلاء فتحي وميرفت أمين ومديحة كامل وقبلهم سعاد حسني».

وتابعت:«عشان أثبت نفسي في وسط دول كانت مهمة صعبة أوي، فأنا حضرت مونتاج فيلم الكرنك عشان اتعلم يعني إيه راكور».

وأوضحت:«أروح معهد السينما عشان اتعلم أبقى موديل ويصوروني، ويعملوا مشاريع التخرج وأبقى بطلتها، كنت حابة إني أكون موجودة وكنت بقلد كل الناس وأنا صغيرة».

يذكر أن الفنانة يسرا شاركت في مسرحية “ملك والشاطر”، التي عرضت على مسرح بكر الشدي ضمن فعاليات “موسم الرياض”، بطولة الفنان أحمد عز، الفنانة شيماء سيف، الفنان سيد رجب، والفنان مصطفى غريب.