تعرضت الفنانة منة فضالي للسرقة في تركيا بمدينة إسطنبول علي يد رجل يدعى عبود عراقي الجنسية، موضحة إلى أنه يمتلك شركة لتأجير السيارات، ورفض استرداد مبلغ 2400 دولار، بعد المعاملة السيئة التي تلقتها من أحد السائقين الذين يعملون لديه.
وكتبت منة فضالي علي موقع تبادل الصور والفيديوهات انستجرام تعليقا علي صورته قائلة: ” يا جماعة الراجل ده نصب عليا وأخد 2400 دولار، عنده شركة تأجير سيارات في إسطنبول ورفض يرجعلي فلوسي، خلو بالكم جنسيته عراقي اسمه عبود شركة جرين جروب”.
وشاركت منة فضالي متابعيها علي موقع تبادل الصور والفيديوهات انستجرام فيديو لها لتوضح بالتفصيل تعرضها لسرقة علي يد رجل يدعي عبود عراقي الجنسية، وقالت خلال الفيديو : ” الراجل ده اتعاملت معاه السنة اللي فاتت، وكان كويس جدًا، والسنة دي طلب فلوس مقدم قًلت له تمام، ودفعت الفلوس على مدة 18 يوما في إسطنبول، وجبلي السواق كان معاملته سيئة مع والدتي، وأنا والدتي عاجزة بتكون محتاجة حد يساعدها لأنها بتمشي على عكاز”.
وأضافت: ” طلبت منه تيغير السواق، ولكنه رفض، قال: ده اللي موجود وأنا مش فاضي، قُلت له، طب أنا مش عايزة العربية، ورجع باقي فلوسي، كل شوية يقول لي أنا مش موجود ومسافر، ورفض يرجع لي فلوسي”.
اختتمت منة فضالي: ” قدمت شكوى ضده، أنا عارفة إن فلوسي راحت؛ لأنه بيقولي ملكيش عندي حاجة، وحسبي الله ونعم الوكيل فيه، أنا مش بحب حد يتأذي، أنا بتكلم علشان فيه ناس كتير بتتعامل معاه ونفس الحركة عملها مع الأستاذ جورج قرداحي، يا ريت الناس تاخد بالها”.
