صلاح حسن
أبدى مطرب المهرجانات الشعبية حمو بيكا، استعداده التعاون مع زملائه من نجوم المهرجانات الشعبية حسن شاكوش وعمر كمال، مؤكدًا أنهم إذا اجتمعوا في أغنية واحدة سيكون التجاح حليفهم.
وقال حمو بيكا في تصريحات تلفزيونية عبر برنامج ورقة في ملف الذي يقدمه الإعلامي هيثم بسّام على قناة النهار: “لو اجتمعنا إحنا التلاتة مش هيبقى في حد على الساحة لو مكانتش هتزلزل العالم بحق”.
وشدد حمو بيكا على أنهم تعاونوا في أعمال غنائية سابقة وحققت نجاحًا كبيرًا ومنها شمس المجرة وصاحبي ده دراعي، مردفًا: “أنا بقولهم إحنا لو اجتمعنا في أغنية، مصر مش هتسمع غيرنا تاني”
وتعليقًا على الخلافات السابقة مع الثنائي عمر وحسن قال: “ممكن أرد عليهم، بس ردي بيبقى مش قصدي حاجة، وبيزعلوا مني ومبرضاش أرد غير في وقت معين وهما أخواتي وبحبهم”.
وتحدث حمو بيكا، عن حياته الخاصة قائلًا: “كنت بعمل أغاني وبنام في الصحراء أنا كنت بشتغل نجار مسلح والأغاني بتاعتي شغالة ولما كنت سواق توك توك مسبتشهوش وأنا ببيض محارة وبمشي في الشارع كنت بسمع الأغاني بتاعتي في الشارع”.
ووجه حمو بيكا، رسالة لمن انتقدوا الاحتفال بسبوع ابنته، فقال: “ربنا يديني واعمل تاني والناس تتغاظ تاني بس أنا مش بتعمد أضايق حد وفي ناس بتعمل أكتر من كده وبقول ربنا يديني وأعملها أكتر وأكتر وربنا بيديني”، مختتمًا: “اللي يبص لعيشة الناس تحرم عليه عيشته.. اجري ورا حلمك عشان توصل، واشقى فيه عشان في ناس عاوزة يروحلها الرزق لحد البيت”.
