إيناس الدغيدي: بحب الراجل اللي عنده فلوس وسُلطة.. ومعجبة بشخص ومش معايا رقم تليفونه

كتبت: نجلاء علاء الدين

كشفت المخرجة إيناس الدغيدي، عن حبها لشخص دون علمه، وأوضحت أنها تميل للرجل الذي يمتلك أموال وسُلطة، كما أشارت إيناس الدغيدي إلى رفضها بأن تصبح زوجة ثانية.

وقالت المخرجة إيناس الدغيدي، خلال استضافتها ببرنامج “أسرار” مع الإعلامية أميرة بدر المذاع على قناة النهار: “برجي برج الحوت بتاع الحب، لكن حبي دلوقتي مختلف، ممكن أحب حد مشوفهوش، فيه حد بحبه بس هو مش عارف، وشايفه أن ده الراجل اللي بتمناه، مش هقوله ولا أبينله”.

 إيناس الدغيدي: بحب الراجل اللي عنده فلوس وسُلطة

وتابعت إيناس الدغيدي حديثها بالكشف عن مواصفات الشخص التي تنجذب إليه قائلة: “بحب شخصيته وقوته ومش شكلاً، بحب الراجل اللي عنده باور فلوس وسلطة، ومش ممكن اقوله، وكبريائي بيخسرني، بشوفه بس ميعرفش إني معجبة بيه، واوعدك لو علمتيني هعمل كده ومش معايا رقم تليفونه حتى”.

 إيناس الدغيدي: مش ممكن أكون زوجة تانية بس ممكن أبقى حبيبة

وأتمت حديثها قائلة: “بيعجبني كل حاجة فيه بس متجوز ومبجيش ناحية المتجوزين، وزوجي لما حبني كان متجوز، ولا يمكن ابقي زوجة ثانية، لكن ممكن ابقى حبيبة، تفرق كتير، لان الحب اوقات لكن مش كل يوم في البيت، واللي بيني وبينه هيبقى الحكاية الحلوة مش الوحشة، وكفاية اشوفه مرتين في الاسبوع، لكن لو ساب وجه هتجوزه بس مش هقوله اعمل كده، مش هحب بدون ارادة، انما لو مخططة وراسمة ده مش حب”.

مواعيد عرض برنامج أسرار في رمضان 2024

برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.