كتب: صلاح حسن
خرج الفنان محمد رمضان عن صمته إزاء ما أثير ضده خلال اليومين الماضيين على خلفية صفعه لأحد الشباب في مراسي، مؤكدًا أنه ليس من الرجولة أن يمد يده على من هو أصغر منه.
وأكد محمد رمضان في مقطع فيديو عبر حسابه في موقع تبادل الصور والفيديوهات إنستجرام أنه أخطأ بضربه هذا الشاب لأنه “عيل صغير”، موجهًا الاعتذار للشاب المصفوع وأهله.
وأوضح محمد رمضان أنه لم يتمالك نفسه متابعًا: “دي لا رجولة ولا بطولة ودي الغلطة اللي أنا طالع أعتذر عنها.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
وقال محمد رمضان في تعليقه على أزمة الصفعة: “الجمهور العدل، الأصيل، الغالي ألف شكر، وربنا مايحرمنيش منكم على وقفتكم معايا ومساندتكم”.
وعقب يقول: قرأت وسمعت قد ايه دافعتوا عني، وقد ايه غلطتوا الولد الصغير، ولكن الفيديو ده بردوا عامله عشان أعترف بخطأي وأعتذر لأهل الولد الصغير اللي أنا أيدي اتمدت عليه وأنا عارف إنه عيل صغير”.
وواصل الفنان حديثه قائلًا: “هو لما غلط في الأول قلعتوا الكاب وبصيت في وشه لقيته عيل صغير قلت له اسمك ايه يا حبيبي؟، وسيبته ومشيت ولما رجع غلط تاني لفيت قلت له هات التليفون خباه ومتملكتش نفسي وضربته قلم بسيط”.
View this post on Instagram
وتابع يقول: القلم البسيط ده طير له الكاب من على راسه والنضارة اللي كان لابسها، ولو اعتبر النموسة اللي وقفت على خدي قلم فأنا أستاهل من النموسة دي خمسة عشان أنا مديت أيدي على عيل صغير.
وعقب يقول: “دي لا رجولة ولا بطولة ولكن أنا لم أتمالك نفسي ودي الغلطة اللي أنا طالع أعتذر عنها، لما أخدت تليفونه ومسحت الفيديو حد قالي اكسر له التليفون عشان ميعملش كده تاني.
واختتم قائلًا: قولت له طب هو غلط أبوه وأمه ذنبهم ايه يغرموا تمن تليفون تاني خاصة أني عرفت أنه من قرية تانية وجاي يتفسح في مراسي، قلت لهم روحوه، الأمن قالي هنعمله محضر عشان، قولت لهم يروح بعد إذنكم.
يُذكر أن الفنان محمد رمضان أحيا حفلًا غنائيًا في ختام مهرجان موازين في المغرب لأول مرة وقدم باقة من أغانيه الشهيرة وسط تفاعل الحضور.
