كتب: عبد الرحمن صلاح
أعرب الفنان محمد التاجي، عن استيائه من إطلالة الفنانة نورين أبو سعدة، صاحبة أغنية “بصباصة”
وقال التاجي في تصريحات خاصة لـ “أون مصر”: “أنا مش بهاجم شخص بعينه ومكنتش أعرف مين نورين أبو سعدة، أنا شفت واحدة طالعة في لقاء مع مذيعة ولابسة فستان مكون من شريطين والشريطين مغطيين مناطق معينة والباقي مكشوف”.
إحنا مش متربيين على الكلام ده.. محمد التاجي يعلق على إطلالة نورين أبو سعدة (خاص)
وأضاف: “وكان تعليقي فين ابوها وامها او فين جوزها وازاي يسبوها تنزل باللبس ده؟”
وتابع: “أنا مش متعود على اللبس ده وإحنا مش متربيين على الكلام ده والحاجات دي هي اللي بتسوء سمعتنا كفنانين”.
تفاصيل الحالة الصحية للفنان محمد التاجي
وكشف محمد التاجي لـ “أون مصر”، تفاصيل حالته الصحية قائلا: “انا الحمد لله حالتي الصحية أحسن من الأول بكتير.. وخلصت تصوير الـ 30 حلقة بتوع مسلسل جودر الجزء التاني والعمل ده بس اللي هشارك بيه في رمضان حتى الآن وانا مش موجود في مسلسل العتاولة الجزء الثاني”.
خطوبة ابن محمد التاجي وحفيدة حمدي أحمد
وسبق وأعلن الفنان محمد التاجي، عبر حسابه الشخصي على موقع التواصل الاجتماعي فيسبوك خطوبة ابنه “ألمو” على حفيدة الفنان الراحل حمدي أحمد، يوم الجمعة 6 سبتمبر.
ونشر محمد التاجي، صور من الخطوبة عبر حسابه على فيسبوك، وكتب في التعليق: “عقبال عندكم الليلة قرينا فاتحة ابني ألمو التاجي والأنسة أمينة النحاس حفيدة الفنان حمدي أحمد رحمة الله عليه الحمدلله أهي حاجة حلوة حصلتلي عشان تعوضني عن الأخبار الجميلة السعيدة المبهجة اللي جابتلي قصور في الشريان التاجي”.
