كتب: صلاح حسن
وجّه المطرب حسام حبيب رسائل قوية للمطربة شيرين عبد الوهاب، زوجته السابقة على خلفية اتهامها له بأنه حصل على مشغولات ذهبية خاصة بها ومبلغ مالي كبير وسيارة وساعة روليكس.
وفي أول رد فعل من حسام حبيب قالت في تصريحات صحفية عبر برنامج ET بالعربي إنه حزين مما يحدث، متابعًا: طبعا الناس عندها حق تزهق.
ونفى حسام حبيب عن نفس الاتهامات التي وجهت إليه فقال: والله ده ما أنا ولا دي شيرين التصرفات دي برئ منها تماما أنا مستغرب اللي بيحصل أكتر منكم.
وفسر حسام حبيب حديث شيرين الصعب للغاية ضده بأنها من الممكن أن تكون فعلت لأنها تحاول الاتصال به منذ يومين، معقبًا: رفضت أرد عليها خالص وقولت المرة دي مش هينفع أسامح زي كل مرة.
وأضاف المطرب: كل اللي قالت اتهامات شيرين كاذبة يحاسب عليها القانون، الورقة اللي شيرين بتقول بيها إنها حولت ليا مبلغ مالي، مكتوب فيه غرض التحويل لزوج، فأول حاجة كدا هو أنا زوجها.
واستطرد: ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا اطلقنا يا هي بتكدب على البنك وقالت إني زوجها وحولتلي.
وأشار حسام حبيب: شيرين عبدالوهاب دمها بقى تقيل والمرة دي بجد هحبسها، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض.
واختتم تصريحاته يقول: وأنا مبردش عليها، عشان أنا رافض نرجع تاني بعد كل اللي حصل آخر مرة لما الأمر وصل للنيابة والحوار كبر، وفي الآخر عشان أنا زهقت عملتلها بلوك.
