يرى أمير مرتضى منصور، المشرف العام على فريق الزمالك سابقًا، أن فكرة الانتماء موجود داخل المدرجات فقط بين الجماهير.. موضحًا أن كرة القدم بالنسبة لـ اللاعبين ليست إلا «أكل عيش».
وقال أمير مرتضى، خلال تصريحات تليفزيونية: «فكرة الانتماء دي في المدرجات بس، أما مستوى المحترفين واللاعيبن ده بالنسبة له أكل عيش وهيموت نفسه ويجري يبوس التيشيرت.. لكن جوه قلبه بيحب مين عمرنا ما نعرف».
أمير مرتضى: شيكابالا مضى للأهلي
وأضاف: «خير مثال في القصة دي كابتن حسام حسن من أساطير الاهلي ولعب في الزمالك واجتهد.. وكان ساعتها زملكاوي من جواه، لمن اللاعيبة مع الوقت بتنسى قصة الانتماء دي».
وتابع: «إمام عاشورحاليًا يتظاهر انه أهلاوي، لأنه هيكسب وهياخد مكافأة فـ عمره الافتراضي هيطول، ودي حاجة في العالم كله».
وواصل: «يعني لويس فيجو كان كابتن برشلونة وراح ريال مدريد والجمهور هدده بالقتل، الجمهور بس اللي بيشجع وبيتحرق دمه».
واختتم: «ولو جالي الاهلي أو عرضوا عليا مش هروح ولا أقبل.. لان السياسات مش هبقى فاهمها وانتمائي، ومعنديش رؤية غير للزمالك بس، وشيكابالا مضى في الاهلي زمان ومقدرش يلبس التيشيرت.. وفيه ناس بتعرف تبقى محترفين أكثر في التعامل».
لمتابعة مزيد من الأخبار اضغط (هــــــنــا)
تابعنا من خلال صفحتنا على الفيس بوك من (هــــــنــا)
