كتبت: نجلاء علاء الدين
ردت النجمة اميرة أديب، علي شائعة اعتزالها التمثيل، وأكدت أن جميع الأنباء المتداولة علي مواقع التواصل الاجتماعي، لا أساس لها من الصحة، وأنها مازالت في بداية مشوارها الفني.
وقالت أميرة أديب في مقطع فيديو نشرته عبر خاصية القصص القصيرة علي “إنستجرام”: “أنا معتزلتش التمثيل، أنا ملحقتش أمثل عشان اعتزل، مش عارفة ليه بتقولوا كده، في فيديوهات كتير بتقول كده”.
وتابعت حديثها قائلة: “معرفش ليه الواحد لازم يعمل حاجة واحدة في حياته بس مينفعش يبقى كذا حاجة، الفيديو كليب اللي أنا بعملها دي جزء كبير من إني بعملها عشان أنا بحب التمثيل وعايزة أمثل وبمثل فيهم”.
وأتمت حديثها: “ومين طلع إشاعة إني هتخطب وهقعد في البيت، أنا بطلت التمثيل وهقعد في البيت، دا على جثتي إنه يحصل إني أتجوز وأبطل شغل، وأي حد مصدق ده يبقى ميعرفنيش”
أميرة أديب تطرح ثاني كليباتها
وكانت قد طرحت أميرة أديب أمس، ثاني كليباتها بعنوان “ضلمة ونور”، ونشرت البوستر الدعائي الخاص عبر حسابها الرسمي علي موقع تبادل الصور والفيديوهات “إنستجرام”، وكتبت: “افتتحنا رسميًا فصل الشتاء، فيديو كليب وأغنية ضلمة ونور في كل حتة دلوقتي عيطوا معايا عشان كفاية عياط لوحدي”.
أغنية “ضلمة ونور” من كلماتها والحانها، وظهر في الكليب الشاب الذي أعلنت أميرة أديب عن ارتباطها به، ويحمل هذا الشاب الجنسية الإلمانية،
وردت علي تعليقات الجمهور علي الأغنية بقول: “الناس عمالة تبعتلي من امبارح وفي أكتر من 1000 بوست.. الناس بتتكلم أنهم عيطوا من المزيكا وده هدفي ما أنا مش عيط لوحدي.. أنا مبسوطة جدا بردود الفعل علي الأغنية الجديدة”.
