كتبت: نجلاء علاء الدين
رد الدكتور أشرف زكي نقيب المهن التمثيلية، على حالة الجدل التي اثيرت حول تواجد الفنانة القديرة عواطف حلمي، داخل دار المسنين التابعة للنقابة، وكشف حقيقة الأمر، بعد أن هاجم الجمهور حفيده نور نجل خالد النبوي.
وقال الدكتور أشرف زكي، في مداخلة هاتفية لبرنامج “كلام الناس” مع الإعلامية ياسمين عز:”السيدة عواطف حلمي عندها بيتها القديم في شبرا، وبتحبه وفيه ذكرياتها ومش بتتخلي عنه وولادها مش مخليينها محتاجة حاجة، ونور قالها نقي الشقة في المكان اللي إنتي عاوزاه، ومحدش مقصر من ولادها إطلاقا”.
أشرف زكي: عواطف حلمي من زمان معانا في العمل التطوعي
وتابع أشرف زكي حديثه قائلا: “عواطف حلمي من زمان معانا في العمل التطوعي، وأنا اللي طلبت منها تيجي دار المسنين تقعد مع الناس في أوقات فراغها، والست بتعمل ده على أكمل وجه وبتيجي من آخر الدنيا ومحدش مقصر لا نور ولا خالد النبوي والست عندها شقتها وعربيتها ولكن هي بتؤدي عمل تطوعي”.
وأتم: “دار المسنين مكان فيه زملاء ورعاية وخدمة وتمريض وونس، لكن جملة رموك في دار مسنين ثقافة لازم تنتهي، وأنا هجتهد مع زملائي نعمل مسلسل يواجه هذه الظاهرة.
