كتبت: نجلاء علاء الدين
تحدثت الفنانة أسما شريف منير، عن الأزمة العاطفية التي مرت بها خلال الفترة الماضية، مؤكدة أنها قررت إنهاء تلك العلاقة بعدما رأت أن التضحيات تحدث من قبل طرف واحد فقط.
وكتبت أسما شريف منير عبر حسابها الرسمي بموقع “إنستجرام”: عشت لفترة طويلة في علاقات مش مرتاحة فيها، العلاقات كانت مرهقة ومليانة أذى نفسي، دايمًا حاسة إن في حاجة ناقصة، وفي حاجة غلط، العلاقات كان فيها تضحيات كبيرة من طرف واحد، الحب والشغف اللي كنت بحلم بيهم مش موجودين».
أسما شريف منير: كل مرة بشوف علاقة مليانة حب وتفاهم حقيقي.. كنت بحس إني بتنازل عن حاجات مهمة في حياتي
وتابعت: “كنت دايمًا بقول لنفسي مش لازم كل حاجة تكون مثالية، المهم إني مرتاحة حتى لو موجوعة، ما هو ده الحب اللي أعرفه، مش الحب عذاب برضه؟، بس في نفس الوقت، كل مرة بشوف علاقة مليانة حب وتفاهم حقيقي، كنت بحس إني بتنازل عن حاجات مهمة في حياتي لحد ما في يوم، قررت أقعد مع نفسي وأسأل.. هل الراحة كفاية؟، هل المفروض أقبل بعلاقة مفيهاش توازن والإحساس اللي أنا أستحقه بس عشان ده اللي أعرفه؟”.
أسما شريف منير: قررت إني مش هتستمر في علاقة مش مريحة لمجرد إني خايفة أبقي لوحدي
وأتمت حديثها قائلة: “بعد التفكير، قررت إني مش هتستمر في علاقة مش مريحة لمجرد إني خايفة أبقى لوحدي، قررت إني أستحق علاقة فيها حب حقيقي، دعم، وتفاهم.. الدرس اللي اتعلمته كان واضح، متقبلش علاقة متوسطة بس عشان الخوف، إحنا نستحق إننا نعيش علاقة مليانة حب وتقدير بجد”.
