كتبت: نجلاء علاء الدين
كشف الفنان أحمد جلال عبدالقوي، عددا من الأسرار المتعلقة بحياته الشخصية، في أول ظهور له بعد فترة غياب دامت لسنوات طويلة، وذلك مع الإعلامية ياسمين عز، في برنامج “كلام الناس”، المذاع عبر شاشة إم بي سي مصر.
وتحدث أحمد جلال عبد القوي عن خطيبته التي تركها بسبب إدمانه للمخدرات قائلا:”أنا عمري ما اتجوزت ومعنديش استعداد للجواز لأنه مسؤولية وانا مش عايز دا دلوقتي، لكن خطبت مرة وانفصلنا بسبب المخدرات لكن محستش ان الموضوع فارقلي لأن أنا مبتهمنيش الحاجات دي وبشرف نفسي فوق أي حد”.
أحمد جلال عبد القوي: عندي شغل خاص بعيد عن الفن
وتابع: “مش بفكر في الجواز دلوقتي وأولوياتي شغلي أنا عندي شغل بعيد عن الفن لأني متعودتش أحتاج لحد، وبشوف نفسي فوق أي حد ولو حد شايفني كممثل وحاببني أشارك معاه يكلمني ويقولي مثلت إيه ويتفرج على أعمالي”.
أحمد جلال عبد القوي: الستات إيمانهم ضعيف ودي حاجة معروفة
كما تحدث عن إيمان النساء بقول: “الستات إيمانهم ضعيف ودي حاجة معروفة ويوم القيامة معروف كلهم هيمشوا ورا المسيح الدجال، واتقال عنهم ناقصات عقل ودين.. وربنا مخاطبش المرأة ولا مرة لأن قدرتهم على الاستيعاب أقل من الرجالة”.
أحمد جلال عبد القوي: التأجيل بيخليني مش ملتزم بكل فروض الصلاة
وتطرق أحمد جلال عبدالقوي للحديث عن تدينه قائلا: “أنا مش متدين أنا عندي وعي بأمور الدين لكن أنا مش متدين، وبحب ربنا جدا وقريب مني أوي لكن الكسل والتأجيل بيخليني مش ملتزم بكل الفروض لدرجة إني أكون متدين”.
أحمد جلال عبد القوي: نفسي أمثل مع محمد رمضان
وواصل: “نفسي أمثل مع محمد رمضان وأقف قدامه ونيللي كريم، ولو هتكلم عن مخرج هيكون محمد سامي بينور أي حد معاه ومتميز جدًا”.
