كتبت: نجلاء علاء الدين
كشفت النجمة منة تيسير، عن كواليس تعاونها مع نجوم مسلسل “العتاولة”، وذلك من خلال تصريح خاص لموقع “أون مصر”، وأكدت علي قرب صداقتها من النجمة مي كساب “عيشة”، وأشارت إلي أنها تطمئن عليها بشكل دائما.
وقالت منة تيسير: “مي كساب دي حببتي وروح قلبي أختي، ودي مش أول مرة نشتغل سواء، وأنا وهي كنا مبسوطين أننا رجعنا نشتغل مع بعض بعد السنين دي، وفي بنا كيميا وحب، وهي بتحب الخير للغير، وفي بعض الزملاء بيكونوا بيحبوكي بس قدام الكاميرا الموضوع بيكون مختلف، ومي بتفضل تقولي إنتي عظيمة وعيطيني، وبتتفرج علي مشاهدي حتي لو هي مش فيها، وبتكلمني تطمن عليا لو أنا في التصوير لوحدي، وهي دي الحقيقة لأن إحنا قريبين من بعض جداً، وهي بتعمل كده مع كل الممثلين في المسلسل”.
منة تيسير: في علاقات كويسة بينا في كواليس مسلسل العتاولة
وتابعت: “أحنا في المسلسل بنحب بعض جداً وكلنا صحاب، وده شئ نادر بالنسبالي، وزينب انتمتي، ومؤمن ونور ومحمد محسن وعادل يوسف وشريهان ومي وكشك وأستاذ باسم سمرة والسقا وطارق لطفي كلنا في علاقة كويسة بنا، بنفطر ونتسحر سواء، وكلنا بنتلم مع بعض خارج كواليس التصوير، فريدة سيف النصر بتحتوينا، وميمي جمال بسكوته المسلسل وحاسه أن أنا اللي أمها، وفي روح طيبة، أستاذ صلاح عبدالله روح قلبي وأنا عملت معه تاج راسنا ومسلسل نصيبي وقسمتك وأنا وهو بنحب بعض جداً وفي بنا ود خاص، وأستاذ باسم دمه زي العسل وبيهون علينا الغربة”.
منة تيسير: توليفة التعاون بين نجوم مسلسل العتاولة صنعت نجاح كبير
وأتمت حديثها قائلة: “التوليفة دي عظيمة، وهي اللي عملت النتيجة العظيمة بين طارق لطفي وأحمد السقا وباسم سمرة، وزينة جميلة وروحها جميلة، وكل اللي الناس بتقوله شفت عكسه، وقالوا إنها مش بتحب تقعد أو تختلط بالعكس هي إجتماعية وروحها حلوة”.
