علق لاعب النادي الأهلي محمود عبد المنعم كهربا، على مواصفات فتاة أحلامه قائلًا: «بفكر بقالي 4 سنين نفسي اتجوز بس بدور على حد شبه والدتي محترم وكويس، وفي البيت نفسهم اتجوز واقعد معاهم، والمواصفات تكون طيبة وحنينة وتحافظ عليا وتقدر شغلي، وفيه كتير وبلدنا مليانه بنات كتير محترمين».
وقال محمود كهربا، خلال استضافته ببرنامج “أسرار” مع الإعلامية أميرة بدر المذاع على قناة النهار: «أهلي رقم واحد عندي والدي ووالدتي واخويا واختي، هما اللي عملوا كهربا وساعدوني في حياتي، والحمد لله كنا أسرة متوسطة وأهلي وفرولي كل حاجة من صغري، ونتيجة ده عامل كل حاجة باسمهم، ووالدتي بتدعي ع اللي ظلموني وعندها احساس باللي بيحصلي قبل ما يحصل».
وتابع كهربا حديثه قائلا : «مبحسدش حد، وأسعد حاجة أني أشوف حد من الفريق في حتة كويسة، ونفسي أن أحمد فتوح يجي يلعب في الأهلي رغم أنه زملكاوي جدًا، ووالدتي بترقيني دايمًا، وبقولها قبل كل ماتش وبعده ربنا يخليكي ليا طول العمر وميحرمنيش منك».
برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
لمتابعة مزيد من الأخبار اضغط (هــــــنــا)
تابعنا من خلال صفحتنا على الفيس بوك من (هــــــنــا)
