كتبت: نجلاء علاء الدين
كشفت النجمة فيفي عبده عن تعرضها لصدمة نفسية بعد وفاة اثنين من أشقائها في عام واحد، وأكدت أنها تري نفسها ضعيفة وأن القوة تستمدها من جمهورها، وذلك من خلال حوار في برنامج “حبر سري”، مع الاعلامية أسما ابراهيم، على قناة “القاهرة والناس”.
وقالت فيفي عبده: “وفاة اثنين اخواتي في سنة واحدة خنجر دخل في قلبي ومكنتش عايزة اشوف حد ولا اتكلم مع حد وكنت شغالة على مهدئات ونفسيتي كانت وحشة”.
وتابعت:”فقدان الأحباب والأشقاء إحساس وحش قوي ونتمنى ربنا يشفي كل مريض ويرحم كل أمواتنا.. الناس شيفاني قوية بس انا أضعف إنسانة في الدنيا”.
فيفي عبده: قوتي استمدها من حب الجمهور
وأكملت “أنا أضعف إنسانة في الدنيا والقوة اللي بظهر فيها بأخذها من حب الجمهور وبيعطوني الطاقة أقف واقوام لكن ده حال الدنيا، ولما بيحصل كده من فقدان أهل بهرب وبفضل نايمة ومش عايزة حد يفكرني ولا يقولي البقاء لله ولا عايز أواجه حد والالم بيكون فظيع”.
فيفي عبده تتحدث عن الخيانة
كما تحدثت فيفي عبده عن الخيانة قائلة:”الرجالة كلها بتخون واللي تقول مش بيخون وماشي على الصراط المستقيم مش صحيح، ولابد الراجل يكون عنده نزوات، وبتبقى قمر وتتخان والمفروض تعمل نفسها مش عارفه”.
فيفي عبده: الست لما تعرف إن الراجل بيخونها تطنش
وأضافت فيفي عبده: “الست لو واجهت الراجل بخيانته أكبر غلط لها في الحياة.. عشان الحياة دلوقتي صعبة ونسبة الطلاق عالية جدا، وهي حقها تفتش وراها وحقه يخلي باله من مراته ولكن الست لازم تفهم ولو عرفت أنه بيخونها تطنش”.
وأتمت فيفي عبدة حديثها بمحاولة تشكيكها في زوجها من قبل بعض الأشخاص قائلة: “الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي، وكان في ناس بتحاول تشككني في جوزي ولكن مكنتش بسيب فرصة لكده”.
