كتب: عبد الرحمن صلاح
نفت جهاد زوجة مطرب المهرجانات عصام صاصا، طلبها خلوة شرعية مع زوجها في السجن، بعد الشائعات التي انتشرت مؤخرًا عبر مواقع التواصل الاجتماعي.
وكشفت زوجة عصام صاصا في فيديو عبر حسابها بموقع تبادل الصور والفيديوهات “إنستجرام”، أن كل هذه الأخبار غير صحيحة تمامًا، وأن كل ما في الأمر أنها طلبت تصريح زيارة لزيارته لأنها لم تزره منذ فترة، وأكدت أنها اتخذت إجراءات قانونية ضد من أذاع ونشر هذه الأنباء.
وعلقت زوجة عصام صاصا: مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية وده كدب، والحقيقة أننا بقالنا فترة ماشفناهوش وطلبت تصريح زيارة أنا ومامته علشان نشوفه، فليه التحريف والكذب
زوجة عصام صاصا: ليه التحريف والتشهير بسمعة وأعراض الناس
وتابعت: دخلنا في أعراض ومكنتش حابة أتشغل في حاجة زي دي دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس
زوجة عصام صاصا: أنا اتخذت إجراءات قانونية ضد ناشري هذه الأنباء
وأضافت: أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
واختتمت حديثها: أنا متضايقة ومش عارفة أنا أذيت مين علشان يتقال عني كده أنا عندي مشاعر وبزعل ولما يتقال عليا كلام وحش بزعل، لكن لازم أوقف المهزلة دي لأن البلد فيها قانون، وبنفي صلتي بأي خبر كذب نزل، أنتم بتتكلموا في عرض وحاجة مش مسموح بيها وأنا مصرحتش بيها.
