كتبت: نجلاء علاء الدين
حرصت جهاد أحمد، زوجة مطرب المهرجانات الشعبية عصام صاصا، علي توجيه الدعم له، وذلك بعد إلقاء القبض عليه، علي غرار اتهامه في قضية قتل أحمد مفتاح بالخطأ بعد دهسه أعلى دائري المنيب، تحت تأثير المخدر.
وعلقت جهاد علي مقطع الفيديو الذي نشره عصام صاصا، قبل إلقاء القبض عليه بقول: “تخرج لنا بالف سلامة.. مش عارفة ممكن أقدر أعمل إيه حاجة غير إني أدعيلك.. ربنا يخرجك ليا تاني.. مستنياك أنا ورحيم”.
عصام صاصا: نازل بلدي وممكن يكون آخر فيديو ليا
ظهر مطرب المهرجانات الشعبية، عصام صاصا، في مقطع فيديو عبر حسابه الرسمي علي موقع تبادل الصور والفيديوهات “إنستجرام”، وهو منهارا من البكاء، وذلك قبل لحظات من القاء القبض عليه في دولة الإمارات.
وقال عصام صاصا: “أنا دلوقتي نازل بلدي وممكن يكون هذا الفيديو أخر فيديو ليه، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة”.
وتابع: “أنا كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين”.
عصام صاصا: عشت تحت خط الفقر وربنا كرمني من سنتين
وأضاف: “ربنا يعلم أنا كنت حاسس بأيه وقتها، والناس قالت عليه أني بدوس على الناس بفلوسي، أنا والدي متوفي من وعندي سنة وعشت عمري كله مع والدتي وعشنا أيام تحت خط الفقر، أنا ربنا كرمني من سنتين تلاتة، ومكنتش حابب أرد، لكن أنا ممكن أنزل متشفونيش تاني”.
وأتم حديثه قائلا: “أنا لبست قواضي وحوارات وأنا أغلب من أني أعمل أي حاجة في الدنيا، أنا محتاج دعمكم جدا وتدعو لي وتقفوا معي ولو كنت سبب في يوم من الأيام أني أفرح أي حد أنه يدعيلي، وأنا راضي بقضاء ربنا وواثق في القضاء المصري وأنه مش هيظلم حد ولا هيجي على حد، وأنا أقل خلق الله وعمري ماهدوس على الناس بفلوسي ولا حيلتي الفلوس اللي تخليني أعمل كده”.
