كتبت: نجلاء علاء الدين
كشف المخرج تامر نادي عن رأيه في تقديم عمل درامي أو سينمائي يتناول أحداث القضية الفلسطينية، وذلك من خلال تصريح حصري لموقع “أون مصر”، كما أكدت على رغبته في تقديم عمل كوميدي، إضافة إلى ذلك كشف عن طقوسه خلال شهر رمضان المبارك.
وقال المخرج تامر نادي: “أنا غير متحمس لتقديم عمل يتحدث عن الأحداث الفلسطينية، لأن القضية أكبر من مجرد عمل يتعمل ويبقي العمل خفيف، لكن معنديش مانع إني لو قريت حاجة استفزتني وأن العمل مش مجرد يتكلم عن حاجة ضخمة والأنفجارات”.
تامر نادي يكشف رأيه في تقديم عمل يتناول أحداث القضية الفلسطينية
وتابع المخرج تامر نادي تصريحاته قائلا: “القضية دي إنسانية أكتر بتتكلم عن هجرة الأسرة والمعاناة اللي عايشنها، ودي حاجة أحب اقدمها، لأن القضية في الآخر بتأثر على الإنسان وفي الاخر كلنا بني أدمين، والقضية سبب في إهانة الإنسان بسبب ما حدث من دمار وقطع الأمدادات فلازم عشان أعمل كده أقدمها بالشكل ده”.
وأضاف المخرج تامر نادي :”عايز أدخل حاجة كوميدي، وفي كذا حاجة حاليا دلوقتي، وفي سينما بس أنا شايف إني عشان ادخل عمل سينمائي دي خطوة لازم تتدرس، وكل اللي بفكر في إني اخد إجازة دلوقتي”.
تامر نادي يتحدث عن طقوسه خلال شهر رمضان
أما بشأن طقوسه خلال شهر رمضان قال: “بنقعد مع العائلات وبنفطر مع بعض ونتعزم، وأنا مفتقد أسرتي جداً عشان موجود في لبنان، بس لما نرجع هعمل إجازة وأكمل رمضان في العبادة والصلاة واركز أكتر في العبادات”.
