كتبت: سلوى أبو زيد
ردت الإعلامية بسمة وهبة، على تصريحات الفنانة ميار الببلاوي، بعد حلقتها في برنامج العرافة بالموسم الرمضاني 2024، وأثارت تصريحاتها جدل حول عودتها لزوجها بعد طلاق 11 مرة.
تصريحات بسمة وهبة
وقالت بسمة وهبة خلال فيديو عبر حسابها الشخصي بموقع تبادل الصور والفيديوهات انستجرام: “عمرى الحقيقة ما رديت على حد حتى لو كلامه كدب وده بيحصل كتير أوي، في العرافة ناس كتير تكون طلعت وحلقاتها تكون معملتش تريند أو عملت تريند وعايزين تاني، فبيقوله حاجات لنفسهم ويعملوا فضايح لنفسهم في سبيل التريند”.
أضافت بسمة: “أنا بطنش وأقول خليهم ياكلوا عيش، فيه كلام اتسرعتي وقلتيه والنبي يا بسمة شيليه، وقلت لك من العين دي، وشيلت اللي طلبتيه، اطلعي كذبيني، لا تقربوا الصلاة، ساكتة ليه من يوم ما الحلقة اتعرضت ما دام مضايقة”.
تابعت بسمة: “مبحبش اللي بيجي على الولايا، الشيخ وصل بيه الأمر أنه يوصفك بالزنا، بحب الأزهر ورجال الدين، ومبحبش حد يجي جنب شعرة منهم، دا مش نفس نهج سيدنا النبي أبدا، ولادي طريقته، مينفعش الكلام اللي قلته دا بيتعارض مع الخطاب الديني، هاتلي 3 شهود غيرك يؤكدوا حكم الزنا اللي قلت”.
تصريحات ميار الببلاوي
سبق وظهرت الفنانة ميار الببلاوي خلال الأيام القليلة الماضية، في مقطع بث مباشر عبر صفحته الرسمية عبر موقع “فيسبوك” ودخلت في حالة انهيار، وهي تروي تفاصيل ما تعرضت لها بعد حلقاتها مع الإعلامية بسمة وهبة، والتي عرضت في برنامج “العرافة” خلال شهر رمضان الماضي.
وأكدت ميار الببلاوي، أنها تعرضت للإهانة كثيرا منذ أزمة وفاء مكي، وروت ميار ما تعرضت لها بعد حلقاتها مع بسمة وهبة من قبل إحدي الشيوخ قائلة:”دي أول وأخر مرة هتكلم فيها، أنا سكت كتير ولكن تعبت ومش فارق معايا تريند، أنا لقيت شيخ فاضل اللى أنا بحبه فى الله خاض فى عرضى وشرفى ..هو شيخ جليل وكلنا بنحبه بس من غير ما يتبين خاض فى عرضى.. قالى انتى جيالى علشان أنا حطيتك على المرجيحة أصل أنا جيت عليكى جامد على الصفحة بتاعتى..وقال عليا إن أنا زانية”.
