كتبت: سلوى أبو زيد
حلّ الفنان ماجد الكدواني، ضيفا على بودكاست Big Time، الذي يقدمه الإعلامي عمرو أديب، والفنانة أصالة، وتحدث خلال الحلقة عن العديد من الموضوعات بشأن حياته الشخصية والعملية وعلاقته بالفنان كريم عبدالعزيز.
أبرز تصريحات ماجد الكدواني خلال لقائه في بودكاست Big Time:
- روحت لدكتور نفسي بسبب تأثري بشخصيتي في تراب الماس.
- مراتي في البداية قالتلي خلينا صحاب لما قولتلها أنا معجب بيكي.
- كريم عبد العزيز حبيبي وساعات بنتكلم على التليفون لمدة 8 ساعات لأننا بنبقى جعانين مصداقية.
- صداقتي أنا وكريم عمرها 24 سنة ولو في يوم اتعصب عليا وقلع الجزمة وضربني بيها هسامحه.
- والدتي دعتلي ربنا يفرج عليك خلقه عشان أنا ممثل.
- مكنتش مصدق إن كل النجوم دول حضروا فرح ابني ودي المحبة الخالصة وبركة ربنا.
- وأنا في ابتدائي حبيت واحدة أكبر مني بـ 10 سنين.
- زوجتي بتتعامل مع الحياة بعقلها وأنا قلبي اللي بيحركني.
- أبويا كان بيعلمني الالتزام وبيحتويني وياخدني في حضنه وضربني مرة واحدة في حياته لأني خبيت الشهادة.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
تصريحات ماجد الكدواني عن كريم عبدالعزيز
تحدث ماجد الكدواني عن علاقته بـ كريم عبدالعزيز وقال: “كريم عبدالعزيز حبيبي، الأمانة والصداقة، وساعات بنتكلم على التليفون لمدة 8 ساعات لأننا بنبقى جعانين مصداقية ومحتاجين نتكلم براحتنا، وسر علاقتي به أن مفيش رقابة ومفيش حساب ومحدش هيمسك على التاني حاجة”.
وأضاف كدواني: “صداقتنا عمرها 24 سنة، ومراتي دايمًا تقولي ربنا يبعد عنكم العين، وكريم لو في يوم اتعصب عليا ولو قلع الجزمة وضربني بيها هسامحه علشان ميبقاش حسد، وشهادة قدام ربنا لو عمل فيا إيه هسامحه”.
